Génesis 50:21 - Biblia Enxet

²¹ Nágkatneykha kélwáxok, almésagkok sa' ko'o kéltéyak kéxegke, tén han ma'a kélketchek nak. Cháxa ektáhakxa axta José apmasséssesa éltamheykha apkelwáxok ma'a apkelpepma nak, hakte apkelpaqhetchessek axta ekyetlómo ektaqmeleykha apwáxok.

Génesis 50:21 Referans Kwoze

Génesis 47:12

Apkelmeyáseykegkek axta han chá'a José aptéyak ma'a apyókxoho apnámakkok nak, eyeyméxchexa enxoho chá'a aqsok apnámakkok.

Isaías 40:2

kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Génesis 34:3

Apmenyeyk apagko' axta m'a, apkeltamhók axta kataqmalmakha awáxok kalano'.

Génesis 50:22

Aphegkek axta makham José m'a Egipto, yetlo m'a apyáp axta apnámakkok. Ciento diez apyeyam axta weykmok apha José,

Jueces 19:3

tén axta apkemheykegkokxo m'a levita, yaqwayam enxoho yának keytlakxak makham. Apyentegkek axta xama apkeláneykha, keñe han ánet yámelyeheykok, meyk axta han takha' m'a yáp apxagkok nak.

Génesis 45:5

nágkatneykha aqsa kélwáxok, nágqakha aqsa kélwáxok sélyamasma axta, hakte Dios axta ko'o seyáphasso emonye', kélmonye'e kéxegke, yaqwayam alwagkasek teyp énxet'ák meyk élnapma.

2 Crónicas 30:22

Apkeltennássek axta Ezequías ekleyawo apwáxok aptamhágkaxa m'a levitas, eñama apxekmósso ektaqmalma apkeltemessáseykha m'a Wesse' egegkok. Aptókagkek axta natámen apkelmésso m'a aqsok ektekyawa segwetassamo nak sẽlásekheykekxoho ekweykmoho siete ekhem, tén han natámen apkelpeykessamo m'a Wesse' egegkok, Dios apagkok axta m'a apyapmeyk nano',