Génesis 49:33 - Biblia Enxet

³³ Xama axta appenchesa apkeltennáseyak Jacob apkeltamhókxa etnahagkok ma'a apketchek, apsekhákxeyk axta makham apyetnamakxa néten, keñe apketsapa.

Génesis 49:33 Referans Kwoze

Génesis 49:29

Apméssek axta apketchek Jacob se'e apkeltamhókxa axta chá'a etnahagkok: “Kaxwók sa' ko'o watsapok, hélátawanyegwakxa sa' xamo' ma'a élyapmeyk nano', cham'a meteymog áxwa ekyetnama nak ma'a yókxexma Efrón, apagkok axta m'a énxet hitita,

Génesis 25:8

apwányamók apagko' axta han aptemék apketsapma, appáxaqweykekxeyk axta m'a apyapmeyk nano' axta.

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Job 30:23

Ekya'ásegkók ko'o exchep apmáheyo héntamok ma'a nétsapmakxa nak, kéltaqmelchessessamakxa nak apyókxoho m'a meletsapma nak.

Job 14:10

Keñe énxet apketsapa enxoho, emassegwók; méko nahan kay'asagkohok apmahágkaxa.

Job 5:26

Apwányamók apagko' sa' etnehek, neyseksa ekyenneykha apyempehek sa' yetsapok, ektémól'a kamakhéthok ma'a aqsok kélcheneykekxa ekweykenxal'a kanakxaxche'.

Génesis 49:1

Apkelwóneyha axta apketchek Jacob, aptáhak axta apkeláneya s'e: “Hélyepetchegwatámho, altennaksek sa' ko'o yaqwánxa katnehek kéxegke s'e egmonye' nak:

Génesis 35:29

Appáxaqweykekxeyk axta apyapmeyk nano', aptéma apwányamók apagko', apchátawanyeyk axta m'a apketchek, Esaú, tén han Jacob.

Génesis 25:17

Ciento treinta y siete apyeyam apagkok axta weykmok Ismael apketsapma. Appáxaqweykekxeyk axta apyapmeyk nano'.

Génesis 15:5

Keñe axta Wesse' egegkok aptekkesa yókxexma Abram. Aptáhak axta apcháneya s'e: —Yenmexho sa' néten, elyetset sa' yaw'a, apkepwagko enxoho elyetsetek. Sa' exhok apxámokma exchep aptawán'ák neptámen xa.

Génesis 49:32

énxet'ák hititas axta apagkok kélmeykekxa m'a xapop nak, tén han ma'a meteymog áxwa nak.”

Génesis 50:1

Appathetchek axta José apyáp aphápak, keñe apwana, appetsessek axta nahan.

2 Reyes 13:14

Apháxamákpek axta Eliseo meyke aptaqmelwayam, apteyánegweykmók axta han ma'a Joás, wesse' apwányam nak Israel, appathetáha axta han yetlo apkelekxagweykha. Aptáhak axta s'e: —¡Táta, táta, xép axta apteme xama sẽlpextétamo apyennaqte apkelmasma m'a énxet'ák Israel!

2 Reyes 13:20

Apketsekkek axta Eliseo, keñe kélátawanya. Yókxoho apyeyam axta chá'a elántaxnegwakxak yókxexma Israel ma'a apkelmenyexma apkeleñama nak Moab,