Génesis 47:9 - Biblia Enxet

⁹ Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

Génesis 47:9 Referans Kwoze

Salmos 39:12

“Wesse', yeyxho sélmaxnagko, ¡etaqmelchesho apháxenmo sélekxagweykha! ¡ná ewanma aqsa elanok ahaqta'ák égmen'ák nak! Ko'o sekteme sekwe yaqwatakxoho nápaqto' xép, ektémól'a m'a náta ekwél'a yaqwatakxoho, ektéma axta m'a ẽlyapmeyk nano'.

Génesis 35:28

Ciento ochenta apyeyam apagkok axta weykmok Isaac apketsapma.

Salmos 39:5

Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Job 14:1

Yaqwátawok negha negko'o s'e náxop nak, xámok agko' ektémakxa ekyentaxno negha, nélyelqáxko', eyeynamo m'a sekxók axta nempalleykmo.

Josué 24:29

Apketsekkek axta han Josué natámen xa, Nun axta apketche, apteme axta Wesse' egegkok apkeláneykha, ciento diez apyeyam apagkok axta han weykmok.

Deuteronomio 34:7

Ciento veinte apyeyam apagkok axta weykmok apketsapma, axta kalmasók ma'a apaqta'ák, kayhek axta nahan apyempehek.

Éxodo 7:7

Ochenta apyeyam apagkok axta apweykmok Moisés appaqhetchesseykmo axta m'a faraón, tén axta m'a Aarón apweykmo ochenta y tres apyeyam apagkok.

Éxodo 6:4

Élánéssegkek axta anhan ko'o xama ekhémo mók nélpaqhetchásamáxkoho m'a, tén séltennassama nahan agkések xapop ma'a Canaán, cham'a yókxexma apheykegkaxa axta sekxók aptamheykegko m'a aptémól'a énxet apkeleñama nak mók apkelókxa.

Génesis 50:26

Ciento diez apyeyam apagkok axta aptemék José apketsapma m'a Egipto, kéltexneykegkek axta apyempehek pánaqte, keñe kélaqxegkessama yántéseksek.

Salmos 119:54

Sekmeneykmasso ko'o ektemék segánamakxa apagkok keso náxop, sekhamakxa nak yaqwatakxoho.

Salmos 119:19

Ko'o sekteme sekwe yaqwatakxoho keso náxop; ná hekpósses ko'o m'a apkeltémókxa nak antéhek.

Génesis 47:28

Diecisiete apyeyam axta weykmok apha Jacob ma'a Egipto, ciento cuarenta y siete apyeyam apagkok axta aptemék.

Génesis 11:11

Aphegkek axta makham Sem quinientos apyeyam natámen xa, apkelweteykekxeyk axta makham mók apketchek apkelennay'a, tén han kelwán'ák.

1 Crónicas 29:15

Hakte máxa negko'o nápaqtók xép ma'a énxet'ák apkeleñama nak mók nekha, apkelwe nak chá'a yaqwatakxoho, ekhawo ektamheykegkaxa axta apheykha m'a apyókxoho ẽlyapmeyk nano', máxa pessesse temék negko'o nélyennaqte s'e náxop, mogwanchek antaqheksohok ma'a nétsapma.

Génesis 5:27

Novecientos sesenta y nueve apyeyam axta weykmok apha, keñe apketsapa.

Génesis 47:8

Aptáhak axta faraón apkelmaxneyáncha'a s'e: —¿Háxko ekwánxa ektáha apyeyam apagkok?

Salmos 39:13

Elwatés séláneykha, heyho sekxók amekxak ekpayheykekxa ewáxok, amonye' sekxega, tén han sekmassegwayam.”