Génesis 46:12 - Biblia Enxet

¹² Keso Judá axta apketchek se'e: Er, Onán, Selá, Fares, tén han ma'a Zérah. (Axta eyke apkeletsapmak Er tén han Onán ma'a Canaán.) Keso Fares axta apketchek se'e: Hesrón, tén han ma'a Hamul.

Génesis 46:12 Referans Kwoze

1 Crónicas 4:21

Keso Selá axta aptawán'ák neptámen, Judá axta apketche: Er, Lecá axta apyáp, Ladá, Maresá axta apyáp, apnámakkok axta m'a apkelóteykegkoho axta chá'a lino m'a yókxexma Bet-asbea,

Génesis 38:10

Axta kaleklók apwáxok Wesse' egegkok apweteya m'a aptémakxa axta Onán, keñe axta apchaqheykekxo han ma'a.

Génesis 38:7

Axta eyke kaleklók apwáxok Wesse' egegkok aptémakxa ekmaso m'a Er, keñe axta apchaqheykekxo.

Génesis 29:35

Wetákxeyk axta makham pók étche Lía, teméssessek axta apwesey Judá, hakte axta entáhak se'e: “Sa' eyke selpeykásawo kaxwók Wesse' egegkok.” Keñe axta natámen, ekmassama ekwete étchek.

Salmos 78:68

Judá énxet'ák apagkok axta aqsa Apkelyesáha, tén han ma'a egkexe Sión, apchásekhayo apagko' axta chá'a.

1 Crónicas 3:1

Keso David apketchek appalleyam axta m'a yókxexma Hebrón: Amnón axta átnaha apketkok, étche axta m'a Ahinóam, eñama axta Jezreel; tén axta aptétéyak ma'a Daniel, Abigail axta étche, eñama axta Carmel;

1 Crónicas 2:1

Keso Israel apketchek axta s'e: Rubén, Simeón, Leví, Judá, Isacar, Zabulón,

Jueces 1:2

Apchátegmowágkek axta Wesse' egegkok apxéna Judá énxet'ák apagkok yempakhak apmonye'e, apxénchek axta egkések Judá m'a xapop nak.

Deuteronomio 33:7

Keñe axta aptáha apxéna Judá s'e: “Wesse', yeyxho Judá appeywa; yána epáxaqwakxak ma'a énxet'ák apagkok. Emyow sa' xép yetlo apmopwána; epásem sa' elenmexek ma'a apkelenmexma nak.”

Números 1:7

“Nahasón, apketche nak Aminadab, apteme nak Judá énxet'ák apagkok.

Génesis 38:4

Lósók axta makham tamhákxa', wetákxeyk axta makham pók étche apkenna', Onán axta temessásak apwesey.

Génesis 46:11

Keso Leví axta apketchek se'e: Guersón, Quehat, tén han Merarí.

Génesis 46:13

Keso Isacar axta apketchek se'e: Tolá, Puvá, Job, tén han Simrón.

Rut 4:12

Wesse' egegkok sa' egkések ekxámokma agko' apketchek eñama xa kelán'a nak. Xámok agkók sa' katnehek apnámakkok, sa' kaxhok ma'a ekweykenxa axta apwete ma'a Fares, Judá axta apketche tén han Tamar.

1 Crónicas 9:4

Judá aptawán'ák neptámen axta s'e: Utai, apketche axta Amihub, Omrí axta apketche, cham'a Omrí, Imrí axta apketche, cham'a Imrí, Baní axta apketche. Fares axta aptawán'ák neptámen, Judá axta apketche.

Génesis 38:5

Wetákxeyk axta makham pók étche apkenna', Selá axta temessásak apwesey, cháxa apteyeykmo axta, apmaheykegko axta Judá m'a Quezib.

1 Crónicas 4:1

Judá apketchek axta s'e: Fares, Hesrón, Carmí, Hur tén han Sobal.

1 Crónicas 9:6

Zérah axta aptawán'ák neptámen se'e: Jehuel yetlo apteme apnámakkok, seiscientos noventa axta apyókxoho.

Nehemías 11:24

Petahías axta eyke apteme chá'a apkeltennáseykekxa wesse' apwányam ekyókxoho yaqwánxa enxoho elanagkok chá'a m'a énxet'ák, Mesezabel axta apketche, Zérah axta aptáwen neptámen, Judá axta apketche.