Génesis 44:20 - Biblia Enxet

²⁰ keñe axta negko'o negátegmowágko néltennasa apha egyáp apwányamo, tén han pók egyáxeg apketkok apagko', aptéyam axta aptéma apwányamók ma'a egyáp nak. Néltennássek axta han apchásekhayo apagko' ma'a egyáp nak, hakte wánxa axta xama apkeymomákpo apketche apagko' egken xamo' ma'a, hakte apketsepmeyk ma'a pók apepma axta.

Génesis 44:20 Referans Kwoze

Génesis 37:3

Apchásekhayók apagko' axta Israel ma'a José, axta kaxnók ma'a apkelpepma nak, hakte apwányamók axta aptemék Israel apteyékmo m'a. Apkelánessegkek axta han xama aptaxno apwenaqte aptaqmalma apagko'.

Génesis 42:38

Aptáhak axta apchátegmowágko Jacob se'e: —Melyetlewek sa' kéxegke m'a hatte nak. Apketsepmeyk ma'a José, apepma axta, wánxa apkeymomákpo xa. Temégwokmok agkok exma neyseksa kélxega, kéxegke han kañék sélsexnenagko watsapok sélapwayam, sektáha nak énxet apwányam.

Génesis 49:8

“Judá, kaltaqmalma sa' apkelpeywa elának xép ma'a apkelyáxeg'a tén han apkelpepma. Elyaqhakkasek sa' apyespa'ák ma'a apkelenmexma nak, elháxahagkok sa' apmonye' m'a apkelyáxeg nak, tén han apkelpepma.

Génesis 46:21

Keso Benjamín axta apketchek se'e: Bela, Béquer, Asbel, Guerá, Naamán, Ehi, Ros, Mupim, Hupim, tén han Ard.

Génesis 42:36

Keñe axta Jacob aptáha apkeláneya s'e: —Meyke étchek ko'o élteméssessók kéxegke. Méko kaxwók negyeseksa m'a José, tén han Simeón, ¡keñe kaxwók peya hélyementamok Benjamín! ¡Ko'o aqsa chá'a eklegeykegkohok xa ektéma nak!

Génesis 42:13

Aptáhak axta apkelátegmowágko s'e: —Doce negyókxoho negko'o egyáxeg xamo', aptáha nak xép apkeláneykha, negheykha han ma'a Canaán. Aphákxeyk eyke aphakxa táta m'a egyáxeg apsexyo nak, keñe m'a pók axta apxegáneykmo negyeseksa negko'o.

Génesis 37:19

Aptáhak axta chá'a apcháneya pók se'e: —¡Cha'a apxegakmo ekwanméssamo nak chá'a aqsok!

Génesis 35:18

Ketók étsapmakxa axta han, amonye' ektaxneykekxa énnama axta ekteméssesa apwesey Ben-oní m'a sakcha'a nak, Benjamín axta eyke aptemessásak apwesey m'a apyáp.