Génesis 41:6 - Biblia Enxet

⁶ Keñe axta makham neptámen élántépeykxo siete hótáhap apyexna apkelyamaye, éxchahayam ekmexanma élwatno,

Génesis 41:6 Referans Kwoze

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Ezequiel 19:12

Kélpátekkessek axta eyke yetlo ektaqnómaxche, kélpekkenchek axta náxop. Yamássek axta m'a éxchahayam eñama nak teyapmakxa ekhem pallakmek axta m'a ekyexna; Kelyamakak axta m'a aktegák élyennaqte nak kélchexakkek axta nátex.

Ezequiel 17:10

Kóllánekxohok sa' eykhe chá'a kélcheneykekxa, megkaltektépekxeyk sa' eyke chá'a; kalyameygkok sa' chá'a m'a ekwátekhapa enxoho éxchahayam eñama nak teyapmakxa ekhem; kalyameygkok sa' chá'a m'a ekpayhókxa nak chá'a élyephagweykxa m'a éltekteyapma.’”

Génesis 41:5

Tén axta apténeykxo makham, wanméssek axta makham mók aqsok: apwet'ak axta siete hótáhap apyexna élláneykegkoho, tén han apkeltaqmalma, xama apexchapok axta eyke élánteyapma m'a apyexna.

Génesis 41:7

Tén axta xa siete hótáhap apyexna élyamaye nak, aptawa m'a siete hótáhap apkeltaqmalma élláneykegkoho nak apyexna. Apxatakha'ak axta faraón, keñe apwet'a ektáha apwanmagko aqsa m'a.

Génesis 41:23

Keñe axta neptámen apkelántepa han siete apyexna élyamaye, éxchahayam ekmexanma élwatno.

Oseas 12:1

Apteykegkek éxchahayam ma'a énxet'ák Efraín: yókxoho ekhem chá'a apkelyetleykha m'a éxchahayam eñama nak ekteyapmakxa ekhem. Apxámáseykekxeyk apkelmopwancha'a amya'a, tén han apkelyennaqteyáseykha chá'a apyempe'ék apnaqtawáseykegkoho apnámakkok, aphéssamók chá'a mók apkelpaqhetchásamákpoho m'a Asiria, apkeláphassegkek chá'a apkelmésso naqsa pexmok égmenek ma'a Egipto.”

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.