Génesis 40:19 - Biblia Enxet

¹⁹ wokmek sa' agkok ántánxo ekhem, kaxének sa' apwáxok xép ma'a faraón, yának sa' kólmakhésha néten yámet, keñe sa' máma etwok aphápetek.

Génesis 40:19 Referans Kwoze

Génesis 40:22

keñe m'a apkelánesso axta chá'a kelpasmaga apkeltamho kólmakhésha néten, ekhawo m'a aptáhakxa axta apxeyenma m'a José.

Ezequiel 39:4

Keñe sa' xép yetsapok ma'a néten meteymog élekhahéyak nak Israel yetlo m'a sẽlpextétamo apagkok tén han ma'a énxet'ák apkelxegexma'a nak. Sa' agkések ko'o kéxegke yaqwayam katawagkok ekyókxoho mók ektémakxa nak chá'a náta élyawe ektómo nak chá'a mók ma'a tén han ma'a aqsok nawha'ák éllo nak.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.

2 Samuel 21:10

Keñe axta Rispá, Aiá axta apketche, élántaxneykxo apáwa sẽlwáxaqxamól'a magkenatchesso élapwokmo, keñe axta ekyetnakmo m'a néten nak meteymog. Hakmek axta m'a, eyeynamo m'a sekxók apnakxamap apho nak hótáhap, ekweykmoho ekwa'akto makham ekmámeye, axta kahayók xama enxoho kay'áwak náta ekhem ma'a kélhapák, axta han kahayók kay'áwak xama enxoho aqsok nawha'ák éllo m'a axta'a.

2 Samuel 21:6

egmenyeyk negko'o hẽlmések siete aptawán'ák neptámen xa énxet nak, keñe sa' negko'o ólmakhésha néten nápaqtók Wesse' egegkok ma'a Guibeá, apkeñamakxa axta Saúl, apkelyéseykha axta Wesse' egegkok. Apxénchek axta elmések ma'a wesse' apwányam,

1 Samuel 17:46

Hegkések sa' ko'o exchep ma'a Wesse' egegkok, sakhem sa' ko'o waqhek xép, keñe sa' ma'a sẽlpextétamo nak filisteos aphopák, almésagkok yaqwayam etawagkok máma, tén han aqsok nawha'ák éllo. Keñe sa' ekyókxoho nélwanmeygkaxa kólya'asagkohok apha xama Dios ma'a Israel.

1 Samuel 17:44

Axta aptáhak han apcháneya s'e: —¡Exegma', almésagkok sa' ko'o exchep aphápetek yaqwayam etawagkok ma'a máma, tén han ma'a aqsok nawha'ák éllo!

Josué 10:26

Natámen apkelnapma axta Josué m'a apkelwesse'e nak, tén axta apkeltamho kólmakhésha chá'a xama m'a néten yámet. Axta kélchexakhagwomhok ma'a ekwokmoho ektaxnakmo.

Josué 8:29

Apkexneyk axta néten yámet Josué m'a wesse' apwányam nak yókxexma Ai ekwokmoho ektaxnakmo, keñe axta ektaxna ekhem apkeltamho kóllekwakxak makham, tén axta kélyensákxo aphápak ma'a nentaxnamakxa nak tegma apwányam, keñe axta kélahakkásekxo meteymog ma'a ekweykmoho néten. Cham'a meteymog kélahakkáseykekxa axta m'a, makhemek makham ma'a.

Génesis 41:13

¡Temék axta han ekyókxoho m'a aptáhakxa axta sẽltennasa! Egkeyásekxeyk axta ko'o makham xép ektémakxa nak sektamheykha, keñe m'a émók nak apkeltamho kólmakhésha néten.

Génesis 40:17

Apkelpaxqamap apkelpayhe axta han kélxata m'a netno nak hówenaq apxagkok étkok, apmápsesa nak chá'a etwok ma'a faraón, kelyáqwa'akteyk axta eyke chá'a ektáswa'akto nátetkók ma'a kañe' nak hówenaq apxagkok étkok, ekyetno axta néten épátek.

Génesis 40:13

Wokmek sa' agkok ántánxo ekhem, kaxénwók sa' xép apwáxok ma'a faraón, egkeyásekxak sa' makham ma'a aptamheykha, eyátegkásekxak sa' makham apyá m'a faraón, aptémakxa axta chá'a m'a nanók axta.

Génesis 40:18

Tén axta José aptáha apchátegmowágko s'e: —Keso temék xép apwanmagko s'e: ántánxo hówenaq apxagkok étkók ekteme ántánxo ekhem,

Génesis 40:20

Wokmek axta ántánxo ekhem, ekwokmo axta apteyeykemxa m'a faraón, apkelánessek axta ektámáxche ekyawe agko' apyókxoho apkeláneykha. Apkeltamhók axta kólántekkessekxak kañe' negmomaxchexa m'a apkemha apmonye' nak apkelyátegkesso chá'a apyá, tén han ma'a apkemha apmonye' apkelánesso kelpasmaga, nápaqta'awók ma'a ektáha axta apkeláneyeykha.