Génesis 4:17 - Biblia Enxet

¹⁷ Apyepetcheyak axta aptáwa' Caín, lósók axta nahan entemék, wet'ak axta étche, cham'a Henoc. Keñe axta Caín apxátekhasa xama tegma apwányam ma'a, Henoc axta han apteméssessók apwesey, ekhawo nak apwesey m'a apketche.

Génesis 4:17 Referans Kwoze

Salmos 49:11

Enegkenagkok eykhe chá'a apkelwesey m'a xapop apagkok, takhaxpop sa' eyke katnehek apxanák meyke néxa; ¡sa' exmakha chá'a megkatnégwayam néxa m'a!

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”

2 Samuel 18:18

Apkeltémok axta han kóllanaksek xama meteymog ekyawe Absalón megyetsapmakxa axta, ekxénweykekxoho chá'a kélwáxok, ekyetnama nak ma'a éltamhomaxchexa nak Ekyapwátegweykenxa Xapop Wesse' Apwányam, appekkenmeyk axta han apwesey, hakte méko axta xama enxoho apketche neptámen yaqwayam eleyxchesek. Makhemek makham éltamhomaxche “Absalón ekxeyenweykekxoho kélwáxok xa meteymog nak”.

Génesis 11:4

Keñe axta aptáha apkelpaqmeta s'e: “Kólchempoho, anlának xama tegma apwányam, tén han xama tegma néten apwenaqte apweykmoho néten. Keñe sa' ólxénaxchek chá'a negko'o negmowána aqsok, móxpaqnehek sa' chá'a ekyókxoho keso náxop.”

Génesis 5:22

Aptemegkek axta chá'a Henoc neyseksa apha m'a ektémakxa axta chá'a apmopmenyého m'a Dios. Aphegkek axta makham trescientos apyeyam Henoc, natámen axta aptéyam ma'a Matusalén, tén axta apkelweteykekxo makham mók apketchek apkelennay'a, tén han kelwán'ák;

Génesis 5:18

Ciento sesenta y dos apyeyam apagkok axta temék Jéred, apteyeykmo m'a apketche Henoc.

Génesis 4:16

Aptekkek axta Caín xa yókxexma nak, appaqhetchesakxa axta Wesse' egegkok, aphakmek axta m'a yókxexma Nod, ekpayho nak ekteyapmakxa ekhem teyp Edén.

Génesis 4:18

Henoc axta apketche m'a Irad, keñe axta Irad apketche m'a Mehujael, keñe axta Mehujael apketche m'a Metusael, keñe axta Metusael apketche m'a Lámec.

Salmos 49:12

Háwe apha meyke néxa m'a énxet, megkeyxek ekxámokma aqsok apagkok, eletsapok chá'a ektémól'a aqsok nawha'ák,