Génesis 38:17 - Biblia Enxet

¹⁷ —Wáphássesek sa' xama yát'ay apketkók sektósso —axta aptáhak apcháneya Judá. Keñe axta ektáha eyátegmowágko s'e: —Hoy táse' —axta táhak kelán'a—, epekkenekxa sa' sekxók xama aqsok apagkok, ekwokmoho seyaphássesa.

Génesis 38:17 Referans Kwoze

Ezequiel 16:33

Kólmésagkok chá'a ekyánmaga m'a ekyókxoho kelán'ák ekma nak chá'a ekyánmaga ekpathetéyak énxet; keñe exche', kalmésagkok aqsa chá'a aqsok élmésso naqsa m'a ektáha nak chá'a élpathetéyak, kayánmagkasek nahan chá'a kaláneyha elxegmak énxet elenyék ma'a ekyókxoho apheykegkaxa yaqwayam epathetagkok xeye'.

Génesis 38:20

Apcháphássessek axta han Judá m'a yát'ay apketkok, apchásenneyha axta m'a pók apteme nak adulamita, yaqwayam enxoho kalmeyásekxak makham kelán'a m'a aqsok apnegkencháseykekxa axta, axta eyke éteyágweykxak ma'a pók nak.

Proverbios 20:16

Énxet apxeyenma nak chá'a eyánmagkassesek apméyak aqsok ma'a méteykxa nak, elyementem sa' apkelnaqta, elma sa' ekwokmo apyánmagkásekxo makham.

Génesis 38:16

Tén axta apyetnakhágwokmo apyepetchegwokmoho, meyke apya'áseyak ektáha aptánegken. Aptáhak axta apcháneya s'e: —¿Ewancheya apathetagkok? —¿Yaqsa sa' hegkések ekyánmaga sepathetéyak? —axta táhak kelán'a.

Génesis 38:18

—¿Yaqsa amenyeyk apekkenchásekxa'? —axta aptáhak Judá. —Hegkés sa' xa apkelqahasso yetlo axát'ák nak, tén han aptasqapeykha apmeyncha'a nak —axta táhak eyátegmowágko. Apkelméssek axta Judá xa aqsok nak, tén axta appathetágko. Lósók axta aptemessásak.

Jueces 15:1

Yáma wenaqtémók axta, keñe aptáha makham meyk'a Sansón ma'a aptáwa', chaqhawók axta m'a kélnakxamakxal'a hótáhap, apyentegkásekxók axta han xama yát'ay apketkok. Xama axta apwákxo, aptáhak axta apcháneya s'e: —Atxek sa' ko'o sekxók kañe' axagkok nak etáwa'. Axta eyke ya'awok etxek kañe' m'a apepyáta'.