Génesis 37:35 - Biblia Enxet

³⁵ Kelenxáneykmek axta eykhe kapeykessásekxak apwáxok ma'a apketchek apkelennay'a tén han kelwán'ák, mopmenyeyk axta eyke kólpeykessásekxak apwáxok; apkelekxagweykha axta aqsa apketamsama apketche, aptéma s'e: “Alenxanmohok sa' aqsa sélapwayam sétamso hatte, ekwokmoho sektahanyeykxo m'a apkelmaheykegkaxa nak apkeletsapma.”

Génesis 37:35 Referans Kwoze

Job 2:11

Yetneyk axta apqántánxo apkelxegexma'a Job: cham'a Elifaz, apkeñama axta Temán, Bildad, apkeñama axta yókxexma Súah, tén han Sofar, apkeñama axta m'a yókxexma nak Naamat. Xama axta apkelleg'a ekyókxoho aqsok ekmaso eyáhapwe m'a Job, apkelxénchek axta elyo'ókxak epeykessessekxak apwáxok, tén han exmakha aphakxa neyseksa aplegeykegkoho.

2 Samuel 12:17

Elyo'ókxak axta eykhe chá'a yának yempekxak néten apkelámha apmonye'e apheykencha'a axta m'a apxagkok apyawe nak, melyahakxeyk axta eyke chá'a, metwehek axta han chá'a apto xamo'.

Génesis 42:38

Aptáhak axta apchátegmowágko Jacob se'e: —Melyetlewek sa' kéxegke m'a hatte nak. Apketsepmeyk ma'a José, apepma axta, wánxa apkeymomákpo xa. Temégwokmok agkok exma neyseksa kélxega, kéxegke han kañék sélsexnenagko watsapok sélapwayam, sektáha nak énxet apwányam.

Jeremías 31:15

Aptáhak Wesse' egegkok se'e: “Legáxcheyk ekpayheykha kélátog ma'a Ramá, kéllekxagweykha yetlo ekyentaxno agko' kélwáxok. Raquel ma'a, élekxagweyncha'a nak, eñama aptekyawa étchek, yámenyeyk nahan kóltaqmelchessásekxak awáxok, hakte apkeletsekkek étchek.”

Salmos 77:2

Aktamok chá'a ko'o Wesse' egegkok élapwokmo enxoho chá'a ewáxok, malwátessemek chá'a sélya'ássesso néten emék, sélmaxneya enxoho axta'a. Makke óteyágweykmok sepeykessáseykekxa ewáxok.

Génesis 45:28

Tén axta aptáha s'e: “¡Wánxa séltémo añak megyetsapma m'a José! Ay'ammok sa' amonye' sétsapma.”

Génesis 42:31

Néltennássek eyke negko'o nentáha énxet meyke apkeltémakxa, tén han mantéma xama enxoho nélyexamaxkoho nenlányo apchókxa;

Génesis 31:43

Aptáhak axta Labán apchátegmowágko Jacob se'e: —Étchek ko'o s'e kelán'ák nak; étawán'ák han se'e wokma'ák apketkók nak; seknaqtósso han ma'a nepkések nak. ¡Ekyókxoho aqsok apwet'a nak xép se'e, ahagkok ko'o! ¡Mowanchek ko'o alyementemekxak kaxwók xép ma'a étchek nak, tén han étawán'ák élwete nak!

Génesis 25:8

apwányamók apagko' axta han aptemék apketsapma, appáxaqweykekxeyk axta m'a apyapmeyk nano' axta.

Génesis 35:29

Appáxaqweykekxeyk axta apyapmeyk nano', aptéma apwányamók apagko', apchátawanyeyk axta m'a apketchek, Esaú, tén han Jacob.

2 Samuel 12:23

Apketsekkek eyke kaxwo', ¡yaqsa katnehek kaxwók matwehek sekto! ¡Mowanchek axátekhássók! Athanyekxak sa' eyke ko'óxa xama ekhem, mopwanchek eyke hey'ótak kaxwók se'e sekhakxa nak!

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Génesis 48:11

Keñe axta aptáha apcháneya José s'e: —Énagkamchek axta mótekxeyk, Dios han apkeltamhók alwetak se'e apketchek nak.

2 Samuel 19:1

Xama axta apkelleg'a apkelekxagweyncha'a wesse' apwányam ma'a énxet'ák, eñama apketsapma m'a apketche Absalón, apkelya'aweykxeyk axta apkeltennássekxo m'a Joab. Cháxa ekhem élyaqhápegkaxa axta apkelwáxok énxet'ák, axta elátseyha eñama apkelmallane.

1 Crónicas 7:22

Ahóxek axta han élapwayam ma'a apyáp Efraín, apkelya'eykekteyk axta apnámakkok apmáheyo epeykessesseták apwáxok.

Salmos 77:3

Xénchek agkok chá'a ko'o ewáxok Dios, awónek chá'a; kalchetmok chá'a ewáxok, keñe ayelqaxche' chá'a.