Génesis 36:12 - Biblia Enxet

¹² Yetneyk axta han kelán'a apmeykha naqsa m'a Elifaz, ekwesey axta Timná; wetassegkek axta han xama apketche apwesey axta Amalec. Cháxa atawán'ák natámen axta Adá xa, mók aptáwa' axta m'a Esaú.

Génesis 36:12 Referans Kwoze

Deuteronomio 23:7

“Eyke nágkóltaqnawák chá'a m'a edomitas, hakte kélteme kélnámakkok kéxegke m'a; tén han ma'a egipcios, hakte kélheykha axta kéxegke m'a apchókxa nak;

Génesis 36:22

Keso Lotán axta apketchek se'e: Horí, tén han Hemam. Lotán axta apyáxeg kelwána m'a Timná.

Génesis 14:7

Xama axta apkexyekmo makham ma'a Quedorlaómer, yetlo m'a ektáha axta apkelxegexma'a, apkelwa'akteyk axta m'a En-mispat, ekwesey nak han Cadés, apnaqtawáseyha axta han ekyókxoho aqsok apwet'akxa enxoho chá'a apmonye'e m'a yókxexma apagkok nak amalecitas, hawók axta han apteméssesakxa m'a amorreos, apheykencha'a axta m'a yókxexma Hasesón-tamar.

1 Crónicas 1:36

Elifaz apketchek: Temán, Omar, Sefó, Gatam tén han Quenaz; Timná axta eyke étche m'a Amalec, kelán'a apmeykha naqsa axta m'a Elifaz.

Génesis 36:11

Keso Elifaz axta apketchek se'e: Temán, Omar, Sefó, Gatam, tén han Quenaz.

Génesis 36:13

Keso Reuel apketchek axta s'e: Náhat, Zérah, Samá, tén han Mizá; cháxa atawán'ák natámen axta m'a Basemat, mók aptáwa' axta han ma'a Esaú.