Génesis 35:11 - Biblia Enxet

¹¹ aptáha apcháneya s'e: “Ko'o sekteme Dios ekha apyennaqte; exámásekxa sa' apketchek, tén han aptawán'ák neptámen. Xeyep sa' kañék apteyapma énxet'ák, tén han apxámokma pók aptémakxa énxet'ák, elántépok sa' apkelwesse'e apkelwányam nepyeseksa m'a aptawán'ák neptámen.

Génesis 35:11 Referans Kwoze

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 22:17

peya almések aqsok éltaqmela. Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, tén han yagkamex ma'a neyáwa' wátsam ekwányam. Emallánek sa' han chá'a nepyeseksa apkelenmexma,

Génesis 9:1

Keso aptáhakxa axta appeywa Dios apkeltamho kataqmelhok apha Noé, tén han apketchek se'e: “Kólxámásekxa sa' kélketchek, kólsawheyásekxoho sa' ekyókxoho yókxexma keso náxop.

Éxodo 6:3

Ekxekmowásamáxkók axta ko'o Abraham, Isaac, tén han ma'a Jacob sekwesey Dios ekha sekyennaqte, axta eyke alya'assáseykegkohok ma'a ektémakxa sekwesey ahagko': WESSE'.

Génesis 17:16

Tásek sa' yaqwánxa atnéssesek, agkések sa' xama apketche eñama m'a. Tásek sa' yaqwánxa atnéssesek. Sa' etnehek egken énxet'ák apxámokma xa, sa' kañe' aptépéyak apkelwesse'e apkelwányam xa.

Génesis 15:5

Keñe axta Wesse' egegkok aptekkesa yókxexma Abram. Aptáhak axta apcháneya s'e: —Yenmexho sa' néten, elyetset sa' yaw'a, apkepwagko enxoho elyetsetek. Sa' exhok apxámokma exchep aptawán'ák neptámen xa.

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Éxodo 1:7

Apxámeykegkek apagko' axta nahan ma'a israelitas, hakte apxámok axta m'a apketchek. Apkelyennaqte axta nahan aptamheykegkok, apláneyók axta m'a apkelókxa apheykegkaxa axta.

Génesis 43:14

Dios ekha apyennaqte sa' yának yepyóshok elanok kéxegke m'a énxet nak, yaqwayam sa' eyenyekxak ma'a pók kélyáxeg nak, tén han Benjamín. Keñe sa' ko'o setnaha enxoho meyke étchek, ¡hetnehek sa' agkok!

Génesis 32:12

Apxeyenmeyk axta exchep hetaqmelchessesek sekweynchámeykha, tén han exámekxak ma'a étawán'ák netámen, ekweykenxal'a ekxámokma xapop ánek ma'a neyáwa wátsam ekwányam, magmowána nak ólyetsetek.”

Génesis 28:14

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Génesis 18:18

hakte sa' etnehek apyáp énxet'ák apxámokma m'a, tén han apkelyennaqte. Éltennássek ko'o peya apasmok apyókxoho énxet'ák keso náxop, eñama m'a.

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

Génesis 13:16

Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Génesis 46:3

Keñe axta Dios aptáha apcháneya s'e: —Ko'o sekteme Dios, Dios apagkok nak ma'a apyáp, nágyé aqsa emhagkok ma'a Egipto, hakte axámassessók sa' ko'o aptawán'ák neptámen ma'a, énxet apxámokma sa' atnéssesek.

Génesis 9:7

¡Kéxegke eyke kólxámásekxa kélketchek, kólsawheyásekxoho sa' ekyókxoho yókxexma keso náxop!”

Génesis 17:4

—Keso ekhémo mók nélpaqhetchásamáxkoho sélánésso ko'o exchep se'e. Xép sa' etnehek apyapmeyk ma'a énxet'ák apxámokma nak,

Génesis 36:31

Keso apkelwesse'e apkelwányam apmonye'e axta m'a Edom, meykexa axta makham wesse' apwányam apagkok ma'a israelitas:

Génesis 47:27

Apkelheykmek axta énxet'ák Israel ma'a Egipto. Apmomchek axta m'a yókxexma Gosen, cha'a apxámagweykenxa apagko' axta han ma'a.

Levítico 26:42

Keñe sa' ko'o kaxénwakxohok ewáxok ma'a ekhémo mók nélpaqhetchásamáxkoho sélánésso axta m'a Jacob, tén han Isaac, tén han ma'a Abraham, keñe sa' kaxénwakxohok han ewáxok ma'a xapop,

1 Crónicas 16:17

apkelánéssama axta segánamakxa m'a Jacob, apteméssessama axta ekhémo mók apkelpaqhetchásamákpoho meyke néxa m'a Israel,

Éxodo 2:24

appasmomchek axta nahan ma'a ektémakxa apkelpaqméteykha, ekxénweykekxoho apwáxok ma'a appeywa apméssama axta m'a Abraham, Isaac, tén han ma'a Jacob.

1 Crónicas 16:16

cham'a ekhémo mók apkelpaqhetchásamákpoho apméssama axta m'a Abraham, apteméssessama axta naqsók elanaksek ma'a Isaac

1 Crónicas 16:18

cham'a aptéma axta apkenagkama s'e: ‘Agkések sa' xép xapop Canaán, apxaweykekxa ekpayhawo nak exkekxa'.’