Génesis 33:14 - Biblia Enxet

¹⁴ Tásek xép exog apmonye' s'e aptáha nak xép apkeláneykha; axayók sa' ko'o ataqmelchesagkoho', axnéshok sa' élxega m'a ekwánxa nak élxega seknaqtósso, tén han ekwánxa nak élxega sakcha'a, ekwokmoho sekwákxo aphakxa exchep ma'a Seír.

Génesis 33:14 Referans Kwoze

Isaías 40:11

Máxa keláneykha nepkések aptáhak apkexyekmo apkeltaqmelchessól'a m'a nepkések apnaqtósso; apkelqeynánteyk ma'a nepkések apketkók, apkelpathetánteyk nahan, aptaqmelchásawók nahan chá'a apkeláneykha m'a kaxwe aptamhéyak nak apnaqláw'ák.

Génesis 32:3

Apkelaphássek axta Jacob apseykekxa amya'a m'a Seír, cham'a yókxexma Edom, yaqwayam eltennássekxak Esaú peya ewaták aphakxa m'a apyáxeg.

Ezequiel 25:8

“Ektáhak ko'o sekpeywa s'e, sektáha nak Wesse': Apkelxénchek énxet'ák Moab tén han Seír aphawo Judá m'a ekyókxoho apheykegkaxa nak chá'a pók aptémakxa énxet'ák.

2 Crónicas 20:10

Egketamokmek kaxwók amonitas, moabitas tén han ma'a énxet'ák apkeleñama nak neyseksa meteymog élekhahéyak nak Seír. Cham'a énxet'ák meltémo axta elyeykhak xapop apagkok ma'a negko'o axta élyapmeyk nano' israelitas, apkelxegeykmo axta apkeleñama m'a Egipto, apkelyetnakhassegkek axta eyke aqsa, tén axta melnapma.

Jueces 5:4

“Wesse' egegkok, xama axta apteyapma exchep ma'a Seír; xama axta apteyapma m'a Edom, yawheykha axta náxop, tén han néten, weyweykenteyk axta ekmámeye eñama m'a yaphope.

Deuteronomio 2:1

“Tén axta nélmeyeykekxo m'a yókxexma meykexa nak énxet, ámay ekmahéyak axta m'a Wátsam Ekwányam Ekyexwase, ekhawo m'a apkeltémókxa axta atnehek ma'a Wesse' egegkok. Ahóxek axta nahan nélxega nélhaxnenchámeykekxo m'a meteymog élekhahéyak nak ma'a Seír.

Génesis 33:13

Aptáhak axta Jacob apchátegmowágko s'e: —Eyapma', apya'ásegkok xép sakcha'a apkelyelqákpo, kéméxcheyk ko'o kaxének ewáxok ma'a nepkések, tén han weyke yetlo étkók, hakte nélyampóssek agkok ma'a, xama ekhem agko' emaskok apyókxoho nepkések.

Génesis 32:4

Axta aptáhak apkeláneya s'e: “Kólteme sa' kólának eyapma Esaú s'e: ‘Apkeltamhók xeyk kóltennaksek Jacob aphama Labán apxagkok, ekwokmoho makham se'e kaxwo' nak, apxénchek han elyahakxoho', hakte apchásenneykha m'a,