Génesis 32:6 - Biblia Enxet

⁶ Apkelwákxeyk axta makham ma'a apseykha nak amya'a, aptáhak axta apcháneya Jacob se'e: —Nélwákxeyk xeyk negko'o aphakxa m'a apepma Esaú, apxegakmek han yaqwayam emok takha' exchep, yetlo cuatrocientos énxet'ák apkelxegexma.

Génesis 32:6 Referans Kwoze

Génesis 33:1

Xama axta apwet'a Jacob apxegakmo Esaú, yetlo apkelxegexma'a cuatrocientos énxet, apkexpánchessek axta apketchek apkelmeyásekxo m'a Lía, Raquel, tén han ánet apkelásenneykha nak.

Amós 5:19

Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.

Génesis 32:11

¡Nágyoho yaqwánxa hetnéssesek ma'a eyapma Esaú! Tamháha ko'o ewáxok hektámegmak keñe elnápok ma'a kelán'ák, tén han sakcha'áletkók nak.

Génesis 32:8

hakte axta entáhak élchetamso apwáxok se'e: “Apketamokmek sa' agkok Esaú xama apyaqyesso nak énxet'ák ahagkok, keñe sa' ma'a mók apyaqyesso nak, yenyahagkok elxeganmok.”

Génesis 32:7

Apkekawók apagko' axta Jacob apleg'a, yetnakha'awók axta apwáxok. Yetlókok axta han apkexpánchesso apqánet apkelyaqyeyáseyak énxet ektáha axta apkelxegexma'a, tén han ma'a nepkések, weyke, yányátnáxeg,

Génesis 33:8

Aptáhak axta han Esaú apkelmaxneyáncha'a s'e: —¿Yaqsa peya etnéssesek xa apnaqtósso sekwet'a nak ko'o élxegakmo emonye' élyaqyahéyak nak kélexpánchesso? —Yaqwayam kataqmalmakha apwáxok hélano' —axta aptáhak apchátegmowágko Jacob.

Génesis 33:15

—Hoy —axta aptáhak Esaú—, heyho sa' ko'o axneyásekxak nápakha énxet'ák sélyetláyam nak ko'o. Aptáhak axta Jacob apchátegmowágko s'e: —¡Nágkatneykha aqsa apwáxok!

Génesis 34:11

Keñe axta Siquem aptáha apcháneya Dina yáp se'e, tén han ma'a kelyapma nak: —Kalkoho sa' kélwáxok sektáhakxa'. Almések sa' chá'a m'a aqsok sélmaxneyakxa enxoho.

Génesis 47:25

Aptáhak axta apkelátegmowágko s'e: —Ẽlwagkassek teyp xép, taqmeláha agko' xép apwáxok senlano senteméssesa faraón apkelásenneykha naqsa.

Rut 2:2

Xama ekhem axta táhak Rut eyáneya Noemí s'e: —Heyho sa' amhagkok namyep, lapmaxcheyk sa' yohok axog neptámen xama m'a apcháncheseykekxa nak chá'a hótáhap apaktek wánchásekxak ko'óxa. —Hoy, kaxeg, axta entáhak eyátegmowágko yepyámog.

Rut 2:13

Chátegmowágkokxeyk axta m'a Rut, axta táhak se'e: —Eyápeyha apagko' nak la'a chá'a exchep, kellókásawók chá'a émpehek sekhaxnawo appeywa. Epaqhetchessek chá'a exchep yetlo seyásekhayo, háwe eykhe ko'o xama m'a apkeláneykha nak.

1 Samuel 1:18

—Payhekxeyk ewáxok sekleg'a aptáhakxa nak appeywa —axta entáhak eyátegmowágko m'a kelán'a. Tén axta ektaqháwo Ana ekmeyákxo m'a éñamakxa axta, keñe han ektásweykxo ekto, massawók agko' axta han élapwayam.