Génesis 31:27 - Biblia Enxet

²⁷ ¿Yaqsa ektáha sélyexancháseyncha'a, tén han sexyánegkesa nak meyke séltennasso? Kaxtemék axta séltennasso, apeykásekxohok axta yetlo ekpayheykekxoho ewáxok, tén han yetlo kélpáwasso m'a kéltekpaga nak, tén han arpa.

Génesis 31:27 Referans Kwoze

Éxodo 15:20

Keñe axta m'a kelán'a ekxeyenmo axta chá'a Dios appeywa ekwesey María, apyáxeg axta m'a Aarón, ekma xama kélaqtawáseykha ekyaqyél'a, kelyetlókek axta nahan ekyókxoho m'a kelán'ák, neywegkek axta, kelpáwássek axta m'a aqsok élyaqye nélaqtawáseykha nak.

Jueces 6:27

Tén axta Gedeón apnaqlákxo diez apkelásenneykha, apkelanak axta ekyókxoho m'a apkeltamhókxa axta etnehek Wesse' egegkok; axta'a axta eyke apkelanak, axta elanak ekhem, eñama apkeye m'a apyáp aphawóxama, tén han ma'a énxet'ák apheykha nak tegma apwányam.

Génesis 31:31

Aptáhak axta Jacob apchátegmowágko Labán se'e: —Eyáyak axta eyke ko'o. Xeyenmeyk axta ewáxok énnaqtések apyempehek hélyementemekxak ma'a apketchek.

Génesis 4:21

Yetneyk axta han apyáxeg Jabal, apwesey axta Jubal, cham'a aptawán'ák neptámen ma'a apyókxoho apkelpáwasso nak arpa, tén han ma'a apkelpáwasso nak yámámok.

Génesis 31:26

aptáhak axta Labán apcháneya Jacob se'e: —¿Yaqsa ektáha aptáha nak xa ektáha nak? ¿Yaqsa ektáha sélyexancháseyncha'a nak? Máxa neyseksa kempakhakma élmomaxche aptemessásak apnaqlókmo m'a étchek nak ko'o.

Isaías 5:12

Keytek chá'a kélháxenmo arpa apkelpáwá, tén han ma'a pók aptémakxa nak chá'a yát'axpog, tén han kéltekpaga nak chá'a tén han ma'a yámámok kélpáwasso nak. Awanhek nahan chá'a katnehek vino kéllane m'a ektámáxche ekyawe, keñe megkaxeyenma chá'a kélwáxok ma'a aqsok apkelane nak chá'a m'a Wesse' egegkok, megkólya'ásegkok ma'a aqsok apkelane nak.