Génesis 31:12 - Biblia Enxet

¹² Aptáhak axta Dios apchásenneykha seyáneya s'e: Elano sa', étak sa' apyókxoho apkelennay'a apkelápxegeykha apkelwán'ák élpéwayam nak aptáxama, tén han ma'a apkelpeysameykha, hakte ekweteyak ko'o ekyókxoho m'a apteméssessamakxa nak Labán.

Génesis 31:12 Referans Kwoze

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Deuteronomio 24:15

Kólyánmagkas chá'a apkeltamheykha yókxoho ekhem, amonye' enxoho chá'a yaqwayam kayaqtések, hakte énxet meyke aqsok apagkok ma'a, apmenyeyk chá'a xa selyaqye nak yaqwayam enxoho emha chá'a. Ewónmakha katnehek Wesse' egegkok eltennaksek kélteméssesakxa kéxegke megkólmésa enxoho chá'a ekyánmaga apkeltamheykha, keñe sa' kéxegke kalpehemmok kéllánéyak megkólya'assáxma.

Génesis 31:42

Kaxtemék axta metne sekxegexma ko'o m'a Dios apagkok nak Abraham, cham'a Dios apkelpeykessamo nak chá'a táta Isaac, naqsók axta heyáphaksek meyke segkésso xama aqsok. Apweteyak eyke Dios ma'a seklegeykegkoho, tén han ektémakxa ekteyapma sektamheykha, nénxa eltennásak xeyk agkok xép eyesagko aptémakxa m'a axta'a exchek.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Salmos 139:3

Apya'ásegkok ekyókxoho ektémakxa sekweynchámeykha, sekxega tén han sekheykekxa, ¡apya'ásegkok ekyókxoho aqsok sélane nak chá'a!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Levítico 19:13

“Nágkólnaqtawasagkoho chá'a kélnámakkok, nágkólyementem nahan chá'a aqsok apagkok. “Nágkólleyx han chá'a mók ekhem kólyánmagkasek aptamheykha m'a énxet kéltemessáseykha nak kéxegke.

Éxodo 3:9

Elano, eklegayak ko'o apkelpaqméteykha m'a israelitas. Ekwetayak nahan ko'o apnaqtawáseykegkoho ekwányam agko' ma'a egipcios.

Génesis 31:10

“Ewanméssek axta ko'o sekwet'a yát'ay apkennawók apchápxegáncha'a apkelwána, élpéwayam apyempehek axta m'a tén han apkelpeysameykha, cham'a ekhem apkeláneykxal'a chá'a apkelwán'ák ma'a kélnaqtósso.

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.