Génesis 31:1 - Biblia Enxet

¹ Aplegayak axta chá'a Jacob apkelpaqméteykencha'a Labán apketchek, aptéma chá'a apxeyenma s'e: “Apkelmomchek Jacob ma'a ekyókxoho aqsok ektáha axta apagkok ma'a egyáp nak negko'o, cháxa ekteméssessama nak ekxákma aqsok apagkok.”

Génesis 31:1 Referans Kwoze

Eclesiastés 4:4

Ekwet'ak axta han ekxámokma nak kéltamheykha, tén han ektaqmalma nak ekteyapma élánamáxche aqsok, wánxa aqsa katekkessesek chá'a m'a apnathe nak pók énxet, cháxa ektáha han aqsok eyaqhémo agwetak xa, máxa m'a negmáheyól'a agmagkok éxchahayam.

Ezequiel 16:44

“Sa' etnehek xeye' exének apyókxoho apmopwancha'a nak chá'a elának apkelpeywa s'e: Egken ekyetlómo ámay étche.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Isaías 5:14

Mayhak ekyawe agko' átog ma'a takhaxpop, máxa m'a xama aqsok nawhak eklól'a kamayhek, yaqwayam kalmenaqsapok ma'a énxet'ák ekweykekxoho m'a apkelámha apmonye'e apagkok, cham'a énxet'ák ekmátsa nak chá'a eneywagkok yetlo apyennegkessóxma.

Proverbios 27:4

Asagkek ma'a nenlo nak chá'a, hentawasha m'a nennatheyáseykha nak, eyke ekyagwánxa agkok aplo m'a énxet apkelmeyeykha nak chá'a aptáwa'.

Proverbios 14:30

Hegméshok ekyennaqte egyempehek ma'a ektaqmeleykha nak chá'a egwáxok; kaxnók ma'a nennathe nak chá'a aqsok, kakpelkok ẽxchakkok.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Salmos 17:14

hewagkas ko'o teyp yetlo apmopwána nepyeseksa s'e énxet'ák; ¡elántekkes énxet'ák keso náxop, ekyetna nak ekyókxoho aqsok! Yáphásses apyókxoho kéllegassáseykegkoho kéltaqmelchessessama nak, ellegássesagkoho han ma'a apketchek nak, tén han ma'a aptawán'ák.

Job 31:31

Peyk agkok han chá'a etwasagkohok xama énxet'ák ahagkok ma'a énxet apkeñama mók nekha,

Ester 5:11

apkeltennáseyha axta nahan ma'a ektémakxa axta ekxámokma aqsok apagkok, tén han ekxámokma m'a apketchek, tén han ma'a apteméssessama axta wesse' apwányam mexnémo m'a apkeláneykha tén han ma'a apkelpasmomákpoho axta chá'a ektémakxa aptamheykha wesse', apteméssessama néten agko' kéláyo nepyeseksa m'a apyókxoho nak.

Génesis 45:13

Kóltennasha sa' táta ektémakxa ekha séláyo ko'o s'e Egipto, tén han ekyókxoho kélwetágwa'a nak kéxegke s'e. ¡Kólpekhésha sa' kólyentementák táta s'e!

Génesis 30:43

Axta keñamak aptéma wesse' m'a Jacob, tén han apxámokma m'a nepkések apnaqtósso, tén han apkeláneykha apkelennay'a, tén han kelwán'ák, tén han yányátnáxeg, tén han ma'a yámelyeheykok.

Génesis 31:2

Apwetayak axta han Jacob ekmassama ektaqmeleykha chá'a apwáxok apkelányo m'a Labán, ektéma axta chá'a m'a nanók axta.

Génesis 31:43

Aptáhak axta Labán apchátegmowágko Jacob se'e: —Étchek ko'o s'e kelán'ák nak; étawán'ák han se'e wokma'ák apketkók nak; seknaqtósso han ma'a nepkések nak. ¡Ekyókxoho aqsok apwet'a nak xép se'e, ahagkok ko'o! ¡Mowanchek ko'o alyementemekxak kaxwók xép ma'a étchek nak, tén han étawán'ák élwete nak!