Génesis 30:4 - Biblia Enxet

⁴ Méssek axta Raquel ma'a eyásenneykha Bilhá, yaqwayam etnehek apmeykha naqsa. Apyepetcha'ak axta Jacob ma'a Bilhá.

Génesis 30:4 Referans Kwoze

2 Samuel 12:11

Ektáhak ko'o sekpeywa s'e, sektáha nak Wesse': Wának sa' ko'o katyapok aqsok ekmaso nepyeseksa apnámakkok, nápaqtók sa' ko'o exchep almok apnaqteyegka'a, keñe sa' almések xama m'a apnámakkok nak, elpathetagkok sa' yáxña'akxoho ekhakxoho ekhem.

Génesis 35:22

Apheykmek axta Israel ma'a yókxexma nak, apya'áyekmek axta Rubén appatheteykegko m'a Bilhá, kelán'a apmeykha naqsa axta m'a apyáp. Aplókók apagko' axta han apleg'a m'a apyáp. Doce axta apyókxoho apketchek ma'a Jacob.

Génesis 33:2

Amonye'e axta aptemessásak ma'a apkelásenneykha kelwán'ák yetlo étchek, keñe axta m'a Lía yetlo étchek, tén axta axayók agko' ma'a Raquel yetlo José.

Génesis 25:6

Aqsok apkelmésso naqsa axta aqsa apkelmeyáseykegkok Abraham ma'a mók apnaqteyegka'a étchek nak, apyetnakhassegkek axta eyke apketche Isaac, apyennaqtamakxa axta makham, apcháphassama m'a yókxexma ekteyapmakxa ekhem.

Génesis 25:1

Aptegyeykekxeyk axta makham mók aptáwa' Abraham, ekwesey axta Queturá.

Génesis 22:24

Keñe axta han Reumá ekwetassama apketchek ma'a Nahor, ektáha axta apmeykha naqsa, cham'a Teba, Gáham, Tahas, tén han ma'a Maacá.

Génesis 21:10

Tén axta ektáha éltennásseykxo Abraham se'e: “¡Etekkes sa' xa apchásenneykha nak yetlo étche! Megkapayhawok elxewekxak xamók aqsok apkelxawe hatte Isaac xa étche nak xa apchásenneykha nak.”

Génesis 16:2

Keñe axta ektáha eyáneya Abram se'e: —Elano, Wesse' egegkok ko'o meltémók ótak étchek, éltamhók ko'o exchep epathetagkok ma'a Agar, seyásenneykha nak, sa' kexa ótak étchek eñama m'a. —Apkelyahákxók axta han Abram ma'a ektáhakxa axta eyáneya Sarai,

Génesis 30:5

Wetássek axta han xama apketche apkenna' m'a Jacob.

Génesis 29:29

Apméssek axta han Labán xama apchásenneykha m'a Raquel, yaqwayam katnehek eyásenneykha, ekwesey axta Bilhá.

Génesis 46:25

Cháxa Bilhá axta étchek ekwetasso m'a Jacob. Cháxa Labán axta apchásenneykha apmésso naqsa axta m'a apketche Raquel, siete axta apyókxoho m'a aptawán'ák.