Génesis 3:5 - Biblia Enxet

⁵ Apya'ásegkok Dios kéltawa enxoho kéxegke xa yámet ekyexna nak, kólya'ásegwók sa' aqsok ektaqmela, tén han aqsok ekmaso, keñe sa' kólhágwakxohok ma'a Dios.

Génesis 3:5 Referans Kwoze

Ezequiel 28:2

“Xép énxet, etne sa' yának wesse' apwányam Tiro s'e: “Keso aptáhakxa exchek appeywa Wesse' egegkok se'e: Awanhók agko' xép eyeymáxkoho apwáxok, apkenagkamchek xép etneyk xama aqsok kéláyókxa ekha ekmowána aphama chá'a m'a néten taháno ekyawe ektaqmalma ekheykegkaxa nak ma'a aqsok kéláyókxa, tén han ekwakhaya m'a wátsam ekwányam. Háwe exchep xama aqsok kéláyókxa ekha nak ekmowána, énxet xeyep apkenagkama chá'a kaxnémók apya'áseyak aqsok ma'a xama aqsok kéláyókxa.

Génesis 2:17

eyke mopwanchek etwok ekyexna m'a yámet segyekpelchássesseyam nak aqsok ektaqmela, tén han aqsok ekmaso. Aptókek sa' agkok xa, yetsapok sa'.”

Génesis 3:22

keñe axta aptáha s'e: “Eghágweykxók kaxwók negko'o énxet, apya'ásegkok kaxwók aqsok ektaqmela, tén han aqsok ekmaso, móghók sa' etwok ma'a yámet ekyexna ekyennaqtéssamo nak egnények, hakte aptókek agkok ma'a, megyetsepek chá'a.”

Génesis 3:10

Aptáhak axta énxet apchátegmowágko s'e: —Ekleg'ak xeyk apweynchámeyncha'a yókxexma ektaqmalma, eyekak xeyke, hakte méko ko'o apáwa, cháxa keñamak sekyexanma nak.

Génesis 3:7

Yetlókok axta han élyekpelchágwayam, kelya'ásegwokmek axta ekháncha'a meyke apáwa. Keñe axta élánegko éláhakkasamáxche higo áwa'.

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”

Isaías 14:14

Wántek sa' ma'a teyp netnók agko' nak ma'a yaphope; atnehek sa' ma'a aptémól'a Dios meyke nak Ekhémo.’

1 Reyes 22:6

Apchánchesákxeyk axta wesse' apwányam Israel ma'a cuatrocientos Dios appeywa apkellegasso, aptáhak axta apkelmaxneyáncha'a s'e: —¿Aktamagkoya sa' ko'o m'a énxet'ák apheykha nak Ramot nak Galaad, essenhan maktamagkehe'? Apkelátegmowágkek axta m'a énxet'ák nak: —Ektamák sa', hakte Dios sa' egkések xeyep ma'a.

Éxodo 20:7

“Ná etwasha apmeykha apwesey Dios Wesse' apagkok, hakte meyenyekxék aqsa nahan meyke apkelyekpexchetma m'a ektáha enxoho aptawássáseykha apmeykha m'a apwesey.

Éxodo 5:2

Keñe axta faraón aptáha apchátegmowágkokxo s'e: —¿Yaqsa Wesse' m'a apkeltamho nak ko'o alyahakxoho' tén han apkeltamho nak han wohok elántépok ma'a israelitas? Mateyk ko'o m'a Wesse' nak, magwohok nahan ko'o elxog ma'a israelitas.

Daniel 6:7

Negaqnákxeyk negko'o negyókxoho nentáha nak nenláneykha apchókxa', negheyásawók mók nélpeywa yaqwayam kalanaxchek ma'a wesse' apwányam segánamakxa apagkok, ektéma nak se'e: treinta ekhem sa' kawomhok ekmeyámaxche kólpeykeshok xama aqsok kéláyókxa, tén han énxet, wánxa sa' aqsa exchep wesse'. Énxet melyaheykekxa enxoho, kólyenyók sa' kañe' máxek élyáqtamakxa nak yámakméwa.

Ezequiel 28:9

¿Melwátéssemeya sa' apkeltemessásamap aphémo xama aqsok kéláyókxa ekha nak ekmowána, apkenmeyncha'a sa' apmonye'e m'a apmáheyo nak yaqhek? ¡Énxet apagko' sa' etnehek ma'a yaqwayam nak yaqhek, cham'a apma nak xép!

Ezequiel 13:22

Kélyélaqtéssessegkek kéxegke apkelwáxok eñama kélyexancháseykha m'a énxet'ák meyke nak apkeltémakxa, cham'a mamámenyého nak ko'o alána', keñe kélwasqakkáseykekxoho kéltémo ellenxanmagkohok apkelánéyak apkeltémakxa ekmaso m'a énxet'ák élmasagcha'a nak apkeltémakxa, yaqwayam enxoho magkéshek ko'o élyennaqte apnegya'ák.

Salmos 12:4

apteme nak chá'a elpaqmétek se'e: “Egwancha'ak negko'o nélpeywa yaqwayam hegwetaksek aqsok, hẽlwagkasek chá'a teyp nélpeywa. ¿Yaqsa awanchek negko'o hẽlxekmósagkok?”

2 Crónicas 32:15

Nágkólho elyexanchesha Ezequías; nágkóltemésses naqsók ma'a aptáhakxa enxoho apkeláneya, hakte méko axta xama aqsok kéláyókxa apagkok axta m'a énxet'ák ekmowána kalwagkasek teyp énxet'ák agkok sélmoma axta ko'o, tén han apkelmoma axta m'a élyapmeyk nano', ¡ekyágwánxa agkok mopwanchek elwagkasek teyp ma'a Dios kélagkok sélma enxoho ko'o kéxegke!’”

Ezequiel 29:3

Etne sa' yának se'e: “Keso aptáhakxa exchek appeywa Wesse' egegkok se'e: Faraón, ekxénchek ko'o exchep aptáha sénmexma, wesse' apwányam nak Egipto, apteme nak yegmen askok ekyawe eklo apyetnama nak ma'a neyseksa wátsam apagkok, apteme nak chá'a epaqmésmakha s'e: Ahagkok ko'o Wátsam Nilo, ko'o sélane.

Ezequiel 28:12

“Xép énxet, enneykmásses sa' xama negmeneykmasso senlapwayam ma'a wesse' apwányam Tiro, etne sa' yának se'e: “Keso aptáhakxa exchek appeywa Wesse' egegkok se'e: Xeyep axta apteme ektaqmalma agko' aptémakxa, ekyawe apya'áseyak tén han aptaqmalma kóllano'.

Génesis 2:9

Apkelántekkessek axta nahan ekyókxoho mók ektémakxa yenta'a éltaqmalma, ekha nak ekyexna ektaqmalma nak antók. Apkeneykekxeyk axta han yámet ekyennaqtéssamo nak egnények neysekso nak aqsok apkeneykekxa', tén han ma'a yámet segyekpelchássesseyam nak aqsok ektaqmela, tén han aqsok ekmaso.

Jueces 3:2

Axta apteméssessók Wesse' egegkok xa ektáha nak, yaqwayam enxoho kaltámeyagkok apkelnápomap ma'a melnápomákpo axta makham.