Génesis 29:33 - Biblia Enxet

³³ Wetákxeyk axta makham pók étche Lía, teméssessek axta han apwesey Simeón, hakte axta entáhak se'e: “Apwetayak Wesse' egegkok ekmasexto seyásekhamaxche', cháxa keñamak segkésa nak makham pók hatte.”

Génesis 29:33 Referans Kwoze

Génesis 34:25

Apkelmeyákxeyk axta eyke tegma apwányam ekwokmo ántánxo ekhem ma'a Simeón tén han Leví, Jacob axta apketchek, kelyapma axta m'a Dina, megkamassakxa axta makham élmáske kélyenyekhássesso nekha apyempe'ék ma'a apkelennay'a nak, yetlo sókwenaqte apagkok axta aptáhak apkelnapa m'a apyókxoho, hakte méko axta élenmexákxo.

Génesis 42:24

Apkexakkek axta aqsa han José m'a apchaqnágkaxa axta, keñe apkelekxagweyncha'a. Xama axta apya'aweykxo makham ma'a aphágkaxa axta, apkepwagkeykxo makham yaqwayam epaqmétek, apmeyk axta apyetnakhasa Simeón, apkeltamhók axta kólpextétek nápaqta'awo'.

Génesis 35:23

Keso Lía axta étchek se'e, Jacob axta apwetasso: Rubén, étche átnaha apketkok; Simeón, Leví, Judá, Isacar, tén han ma'a Zabulón.

Génesis 34:30

Keñe axta Jacob aptáha apkeláneya Simeón tén han Leví s'e: —Asagkek kéxegke sélteméssesakxa'. Hetaqnók sa' ko'o kaxwók énxet'ák apheykha nak se'e yókxexma nak, cham'a cananeos, tén han ferezeos. Épetchekxak sa' pók hénmexek ko'o, tén sa' hektámegma', heyaqhek sa' ko'o tén han ma'a ekheykha nak exagkok, hakte apqántawok ko'o énxet'ák ahagkok.

Génesis 30:20

tén axta ektáha s'e: “Dios egkeyásak ko'o segkésso naqsa aqsok ektaqmela. Heyáhapmakha sa' kaxwók ko'o m'a etáwa', hakte seis aptáhak sekwetasso apketchek.” Zabulón axta han temessásak apwesey xa sakcha'a nak.

Génesis 30:18

Tén axta Lía ektáha s'e: “Isacar sa' kólteméssesek apwesey s'e sakcha'a nak, hakte Dios egkeyásak ekyaqmageykekxa eñama sekmésso etáwa' m'a séláneykha nak.”

Génesis 30:8

keñe axta Raquel ektáha s'e: “Neftalí sa' etnehek apwesey s'e sakcha'a nak, hakte xámok axta ko'o sélnápomáxche m'a eyáxeg, kóneg nahan ektemessáseykekxa'.”

Génesis 30:6

Tén axta Raquel ektáha s'e: “Dan sa' etnehek apwesey s'e sakcha'a nak, hakte aplegayók ko'o Dios sélmaxnagko, payhawók setnéssesakxa segkésa xama hatte.”

Números 34:20

“Samuel, Amihud nak apketche, aptáha nak Simeón énxet'ák apagkok.

Deuteronomio 21:15

“Yetneyk sa' agkok chá'a ánet apnaqteyegka'a xama énxet, yásekhohok ma'a xama keñe m'a mók nak megyásekhe', apwetássek agkok étchek xa ánet nak, keñe ektáha enxoho apketche átnaha apketkok étche m'a kelán'a megyásekhe nak,