Biblia Todo Logo
Bib sou entènèt

- Piblisite -




Génesis 28:21 - Biblia Enxet

21 sekwákxo enxoho meyke setnegweykmohoxma m'a táta apxagkok, tén sa' atnehek Dios ahagkok ma'a Wesse' egegkok.

Gade chapit la Kopi




Génesis 28:21
8 Referans Kwoze  

awatnések sa' ko'o exchep xama ektáha enxoho apmonye' apteyapma m'a exagkok sema takha', sekwákxo sa' makham sényékto enxoho m'a émpakháxchexa'.”


Kélxénchek kéxegke sakhem aptáha Wesse' kélagkok ma'a Dios, kéltennássek nahan kélmako kólyetlók ma'a ámay apagkok nak tén han kóllának ma'a segánamakxa apagkok, tén han ma'a apkeltémókxa nak chá'a antéhek tén han kólyahakxohok chá'a.


Aptekkek axta han apkelanyexágko apma takha' m'a Mefi-bóset Saúl axta apketche. Axta han elyenyessók apmagkok, eyeynamo m'a sekxók axta kéltekkessama wesse' apwányam, ekwokmoho apwa'akto makham yetlo meyke ektáhakxa', axta han eyéssessók áwa' apátog, tén han melyenyessama m'a apkelnaqta.


Éltennassegkek axta ko'o alpeykeshok Wesse' egegkok sewákxésa enxoho m'a Jerusalén, sekhamakxa axta Guesur, cham'a Siria.


Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.


Tén axta aptáha Naamán se'e: —Yoho sa' aqsa ko'o alsakxak xapop éleñama nak se'e kañe' nak Israel, ánet yámelyeheykok sa' alpátegkesek; hakte magkések sa' ko'o kaxwók aqsok ekmatñá kélwatno m'a mók aqsok kéláyókxa nak, magkések han ma'a aqsok kélnaqtósso ektekyawa nak, wánxa sa' aqsa chá'a agkések ma'a Wesse' egegkok.


Apchátegmowágkek axta Mefi-bóset: —Sa' eyke emekxak ekyókxoho xapop ma'a. Apwa'akteyk eyke exchep yetlo meyke ektáhakxa m'a apxagkok apyawe nak.


Axta aptemék Jabés appaqhetchessama m'a Dios nak Israel: “Éltamhók ko'o kataqmalmakha apwáxok xép hélano', keñe han hegkések xama yókxexma ekyawe agko', tén han hepasmok hemallahanchesek aqsok ekmaso, yaqwayam enxoho ko'o manyegko'.” Apméssegkek axta han Dios ma'a aqsok apkelmaxnagko.


Swiv nou:

Piblisite


Piblisite