Génesis 24:35 - Biblia Enxet

³⁵ Awanhók agko' appasmo Wesse' egegkok aqsok apkelanakxa enxoho chá'a m'a wesse' ahagkok nak, apxámássessegkek aqsok apagkok: apkelméssegkek ma'a nepkések, weyke, sawo élyátekto élmomnáwa, tén han ma'a sawo élmope élmomnáwa, keñe han apkelásenneykha apkelennay'a, tén han kelwán'ák, yányátnáxeg, tén han yámelyeheykok.

Génesis 24:35 Referans Kwoze

Génesis 24:1

Apwányamók apagko' axta aptemék Abraham, Wesse' egegkok axta eyke chá'a appasmók ekyókxoho aqsok apkelanakxa enxoho neyseksa apha.

Génesis 13:2

Xámok agko' axta aqsok apagkok ma'a Abram, yetneyk axta m'a sawo élyátekto élmomnáwa nak, tén han ma'a sawo élmope élmomnáwa nak, xámok axta han apnaqtósso.

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Salmos 107:38

Etaqmelchessesek chá'a apheykha m'a, yának chá'a exámekxa', tén han kaxámekxak agko' ma'a aqsok apnaqtósso.

Salmos 18:35

Xép setaqmelchesso, tén han sewagkasso teyp, hemagkok chá'a apmek apkelya'assamakxa'; ektaqmeleykha apwáxok sélányo keñamak setaqmelchessessama sekha.

Génesis 25:11

Aptaqmelchessessek axta apha Dios Isaac natámen axta apketsapma Abraham, apheykmo axta m'a nekha yámelchet ekwesey nak “Memassegwayam tén han seté.”

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Salmos 112:3

Xámok sa' katnehek aqsok apagkok ma'a apxagkok, megkamassegwomek sa' chá'a aptémakxa memasma aqsok apagkok.

Job 1:3

siete mil axta apyókxoho apnaqtósso nepkések, tres mil yányátnáxeg, mil axta weyke kéltéteykekxa mók, tén han quinientos yámelyeheykok kelwán'ák. Apxámok apagko' axta han apkelásenneykha naqsa. Apyeykhásseykmók axta ekxámokma aqsok apagkok ma'a apyókxoho énxet'ák apheykha axta m'a ekpayho nak ekteyapmakxa ekhem.

Génesis 49:25

¡Apyáp Dios apagkok keñamak, cham'a peya nak epasmok; Dios ekha apyennaqte keñamak, cham'a peya nak kataqmalmakha apwáxok elano'! ¡Elmések sa' aqsok éleñama nak néten! ¡Éleñama nak ma'a wátsam ekmattawóneg! ¡Epasmok sa' exámassásekxak apnaqtósso, tén han apketchek!

Génesis 12:16

Sarai axta keñamak apchápéncha'a faraón ma'a Abram. Apkelméssek axta apkelmésso naqsa m'a nepkések, weyke, kélásenneykha naqsa apkelennay'a tén han kelán'ák, yámelyeheykok, tén han ma'a yányátnáxeg.

Proverbios 22:4

Hegwetaksohok ekxákma aqsok egagkok ma'a nenteme nak chá'a megkeymáxkoho egwáxok, tén han ma'a nenteme nak negáyo Wesse' egegkok, ekha sẽláyo han antéhek, hegwetaksek han ekwenaqte negweynchámeykha.

Génesis 12:3

Apasmok sa' ko'o m'a appasmo nak chá'a exchep, ataqnók sa' nahan chá'a ko'o m'a aptaqnagko nak chá'a exchep; xép sa' kañenták apasmok m'a apyókxoho énxet'ák apheykha nak keso náxop.”

Génesis 25:5

Isaac axta apkelxaweykekxak ekyókxoho aqsok apagkok axta m'a Abraham.

Génesis 30:43

Axta keñamak aptéma wesse' m'a Jacob, tén han apxámokma m'a nepkések apnaqtósso, tén han apkeláneykha apkelennay'a, tén han kelwán'ák, tén han yányátnáxeg, tén han ma'a yámelyeheykok.