Génesis 24:16 - Biblia Enxet

¹⁶ Tásók agko' axta m'a Rebeca, méko axta han kélteméssesseykmoho exma, méko axta han xama énxet enxoho appathetéyak. Wa'akteyk axta yámelchet ekyekwa'akto yegmen, yetmeyk axta yegmen yátegwáxwa agkok, taqháwok axta han,

Génesis 24:16 Referans Kwoze

Génesis 26:7

apkelmaxneyáha axta han Isaac énxet'ák apheykha axta m'a yókxexma nak, cham'a Rebeca, apkekak axta eyke Isaac exének ektáha aptáwa', apxénchek axta aqsa ektáha apyáxeg. Tásók agko' axta han ma'a Rebeca, xénchek axta apwáxok Isaac kasexnenak yaqhek ma'a énxet'ák apheykha axta m'a yókxexma nak.

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Génesis 39:6

Apméssek axta José aptaqmelchesso ekyókxoho aqsok apagkok ekyetnakxa nak, massék axta ektamheyncha'a apwáxok ma'a Potifar, apto axta aqsa chá'a kaxénmakha apwáxok. Aptásek axta han ma'a José, kélmenyeyk axta kóllano',

Génesis 4:1

Apyepetcheyak axta aptáwa' énxet, cham'a Eva. Lósók axta han entemék, tegkessek axta étche apkenna', cham'a Caín, keñe axta ektáha s'e: “Yetneyk ko'o kaxwók hatte apkenna', Wesse' egegkok segkésso.”

Génesis 12:11

Xama axta peya kalwomok ma'a Egipto, aptáhak axta Abram apcháneya aptáwa' Sarai se'e: “Ekya'ásegkók ko'o exche' ekteme kelán'a ektaqmalma kóllano'.

Génesis 29:17

Keltásek axta aqta'ák kalyeheykha m'a Lía, keñe axta Raquel tásek ma'a ekyókxa.