Génesis 21:33 - Biblia Enxet

³³ Apkeneykekxeyk axta han Abraham xama yámet tamarisco m'a yókxexma Beerseba, cha'a apkelpeykessamókxa axta han Wesse' egegkok, Dios memassegwayam nak.

Génesis 21:33 Referans Kwoze

Isaías 40:28

¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.

Salmos 90:2

Xép apteme Dios eyeynamo m'a nanók agko' axta, meláneykxa axta makham ma'a egkexe, tén han xapop, tén han keso nélwanmeygkaxa, etnehek sa' eyke chá'a Dios meyke néxa.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Génesis 12:8

Keñe axta apmahágko m'a yókxexma élámhakxa nak meteymog élwenaqte, ekyetnama nak ma'a ekteyapmakxa ekhem teyp nak tegma apwányam Betel, axta appakxenak han ma'a, taxnegwánxa ekhem axta han peheweykekxak Betel ma'a appakxenwánxa axta, keñe m'a tegma apwányam nak Ai ekpehewákxo ekteyapmakxa ekhem. Apkelánekxeyk axta makham mók ekwatnamáxchexa aqsok Abram xa yókxexma nak. Apwóneyha axta Wesse' egegkok.

Génesis 4:26

Apweteyak axta han xama apketche apkenna' Set, apteméssessek axta apwesey Enós. Cháxa eyeynókxa axta kélwóneykha apwesey m'a Wesse' egegkok.

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Jueces 3:7

Asagkek axta eyke apkeltémakxa nápaqtók Wesse' egegkok ma'a israelitas, hakte axta kaxeyenmak apwáxok ma'a, apkelpeykessamók axta m'a mók ektémakxa nak chá'a kéleykmássesso Baal, tén han Aserá.

Deuteronomio 16:21

“Nágkólchenekxa xama enxoho yámet ekyawe yaqwayam enxoho kólpeykeshok chá'a m'a kéleykmássesso, nágkólpekkenwom nahan chá'a xamók ma'a ekwatnamáxchexa nak chá'a aqsok apagkok ma'a Dios Wesse' kélagkok.

Génesis 26:33

Apteméssessek axta han Isaac ekwesey Sebá xa yámelchet nak. Cháxa keñamak ektéma nak makham apwesey Beerseba xa tegma apwányam nak.

Génesis 26:25

Apkelanak axta han Isaac xama ekwatnamáxchexa aqsok ma'a, apkelpeykásawók axta Wesse' egegkok. Appakxenwokmek axta m'a yókxexma nak, keñe apkeláneykha apmetma xama yámelchet.

Génesis 26:23

Axta apxeghok Isaac xa, apmahágko m'a Beerseba.

Génesis 21:32

Xama axta appenchesa apkelpaqhetchásamákpoho m'a yókxexma nak Beerseba, apkeltaqháwok axta makham filisteos apchókxa m'a Abimélec tén han Ficol.

Éxodo 15:18

“¡Katnahagkok sa' chá'a apteme Wesse' egegkok megkatnégwayam ennéxa!”

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,

Salmos 93:2

Wesse', nanók agko' xép apteme wesse' apwányam, eyeynamo m'a sekxók axta, ¡Memassegwomek xép!

Habacuc 1:12

Wesse' egegkok, aphegkek xép meyke néxa', Dios ahagkok appagkanamap, apteme nak megyetsapma. Wesse', apteme nak semasma, apméssegkek xép apkelyennaqte caldeos, yaqwayam enxoho ellegássesagkohok énxet'ák eñama apkeltémo exchep.