Génesis 21:14 - Biblia Enxet

¹⁴ Keñe axta mók ekhem, axto'ók agko' axta apkelmésa Agar kelpasmaga m'a Abraham, tén han xama yempehek yetlo yegmen; apkelpátegkessek axta, apmeyásekxeyk axta m'a sakcha'a Ismael, tén axta apkeláphasa. Xegkek axta m'a, weynchámeykha axta aqsa han ma'a yókxexma meykexa nak énxet Beerseba.

Génesis 21:14 Referans Kwoze

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Proverbios 27:14

Nempeykesseykekxa nak egmók ampaqhetchesek ekyennaqte anxátekhássekxak amonye' élseye, hawók ma'a ektémakxal'a negyemneykha ekmaso egmók.

Salmos 119:60

Apekhésha chá'a ko'o alának ma'a apkeltémók nak antéhek, yahamók chá'a alána'.

Salmos 107:4

Apkelweynchámeykha axta aqsa melya'áseyak ma'a yókxexma meykexa nak énxet, ekyentaxnamakxa nak yagkamex, meyke apkelwetágwayam ámay ekmahéyak tegma apwányam yaqweykenxa exmakha;

1 Reyes 19:3

Apyekpelcheyk axta eyesagko yaqwánxa katnehek Elías, keñe apmahágko Beerseba, yaqwayam enxoho ewagkasakpok teyp, cham'a yókxexma nak Judá, axta apyensakmok apkeláneykha m'a.

Génesis 26:31

Keñe axta axto'ók apnaqxétekhágko, apmésa chá'a appeywa pók ekmámnaqsoho agko'. Tén axta Isaac apkelpeykeságkokxo, keñe axta apkeltaqháwo m'a aptáha kaxwók apkelásekhayókxa'.

Génesis 25:6

Aqsok apkelmésso naqsa axta aqsa apkelmeyáseykegkok Abraham ma'a mók apnaqteyegka'a étchek nak, apyetnakhassegkek axta eyke apketche Isaac, apyennaqtamakxa axta makham, apcháphassama m'a yókxexma ekteyapmakxa ekhem.

Génesis 21:31

Cháxa keñamak ektéma nak ekwesey Beerseba xa yókxexma nak, hakte cháxa apteméssesakxa axta naqso' apmésso appeywa pók nápaqtók Dios xa apqánet nak.

Génesis 16:7

Apwetágwokmek axta eyke xama Wesse' egegkok apchásenneykha m'a yókxexma meykexa nak énxet, nekha axta m'a ekteyapmakxa yegmen, ekyetnama axta m'a ámay ekmahéyak nak yókxexma Sur.

Isaías 16:8

Kelyameygkek anmen yámet kélcheneykekxa m'a yókxexma Hesbón tén han ma'a Sibmá apkelyaqtennéyak axta m'a apkelwesse'e apagkok nak ma'a énxet'ák. Kelweykmek axta aktegák ma'a yókxexma Jazer, sawheykekxók axta m'a yókxexma meykexa nak énxet, kelweykmók axta m'a teyp agko' nak wátsam ekwányam.

Génesis 46:1

Apxegkek axta Israel yetlo m'a ekyókxoho aqsok apagkok nak. Xama axta apwokmo m'a Beerseba, apchaqhássessek axta aptósso apmésa m'a Dios apagkok nak apyáp Isaac.

Génesis 37:15

keñe apxegánegwokmo m'a yókxexma nak. Apwet'ak axta eyke xama énxet, keñe axta apkelmaxneyáncha'a: —¿Yaqsa apketama?

Génesis 26:33

Apteméssessek axta han Isaac ekwesey Sebá xa yámelchet nak. Cháxa keñamak ektéma nak makham apwesey Beerseba xa tegma apwányam nak.

Génesis 24:54

Keñe axta aptawa apto yetlo apkelxegexma'a, apyenágkek axta han, apnaqtenchek axta han axta'a m'a. Apnaqxétekhágkek axta mók ekhem, aptáhak axta kélásenneykha s'e: —Ataqhohok sa' ko'o makham wesse' ahagkok apxagkok.

Génesis 22:19

Aptaqháwok axta makham Abraham ma'a aphágkaxa axta apkeláneykha, tén axta apyókxoho apkelmeyákxo makham ma'a Beerseba, cha'a apkelhákxexa axta han ma'a yetlo Abraham.

Génesis 22:3

Axto'ók agko' axta apxatakha'a Abraham, apkeltahanchessek axta yámelyeheykok; apkelyaqténchek axta yántápak yaqwayam emha ewatnek, tén axta apmahágko m'a yókxexma apkeltennasakxa axta Dios, yetlo apketche Isaac, tén han apqánet apkelásenneykha.

Génesis 21:33

Apkeneykekxeyk axta han Abraham xama yámet tamarisco m'a yókxexma Beerseba, cha'a apkelpeykessamókxa axta han Wesse' egegkok, Dios memassegwayam nak.

Génesis 19:27

Axto'ók agko' axta han apmeyákxo Abraham ma'a yókxexma appaqhetchesakxa axta Wesse' egegkok;

Génesis 21:13

Énxet apxámokma sa' han ko'o wának etnehek ma'a apchásenneykha étche nak, hakte apketche apagko' han xép ma'a.”

Génesis 21:15

Xama axta ekyamásexko yegmen kélyeta axta m'a yempehek nak, yensakmek axta sakcha'a kóneg yámet étkok pessesse agkok,

Proverbios 27:8

Énxet apweynchámeykha nak makhawók megkatnahakxa apchókxa', aphawók ma'a ektémól'a náta ekweynchámeykhal'a makhawók ekyetnamakxa m'a axagkok.

Génesis 28:18

Axto'ók agko' axta apxatakha'a Jacob, apmákxeyk axta m'a meteymog apmeyncha'a axta aptáha apteyáyam, apkenegkáseyha axta ektémól'a m'a xama meteymog kélchenegkáseykha, apyegkenchek axta pexmok égmenek néten apteméssesa ekpagkanamaxche'.

Josué 3:1

Axto'ók agko' axta aptepa yókxexma Sitim ma'a Josué yetlo apyókxoho énxet'ák Israel, apkelwokmek axta m'a wátsam Jordán; apkelpakxenwokmek axta eyke han sekxók amonye' apkeltámeyeykekxa m'a.

1 Samuel 15:12

Axto'ók agko' axta apxatakha'a, ekxéna apwáxok ey'ókxak ma'a Saúl, kéltennássek axta eyke apmaheykegko m'a Carmel, apkelánegweykmo meteymog melwagqayam eñama apmallane, keñe apxegeykekxo makham apmeyeykekxo m'a Guilgal.

2 Crónicas 29:20

Axto'ók agko' axta apxatakha'a wesse' apwányam Ezequías, apchánchesákxeyk axta m'a apkelámha apmonye'e nak ma'a tegma apwányam, keñe apmeyákxo m'a Wesse' egegkok tegma appagkanamap apagkok.