Génesis 20:5 - Biblia Enxet

⁵ Abraham apagko' axta han ko'o séltennasso ektáha apyáxeg ma'a kelán'a, xénchek han ektáha yapma m'a, keñe ko'o sélana yetlo meyke ektamheykha ewáxok, malanak xama aqsok ekmaso enxoho.”

Génesis 20:5 Referans Kwoze

Salmos 7:8

Wesse', elyekpelkohok chá'a exchep ma'a pók aptémakxa nak énxet'ák: hékpelkoho ko'óxa ektémakxa nak meyke sektémakxa; hékpelkoho ko'óxa ektémakxa nak ektaqmalma sektémakxa.

1 Reyes 9:4

Aptemék sa' agkok chá'a nahaqtók ko'o exchep ma'a aptémakxa axta David, apyáp axta, eyáxñeyo apwáxok tén han ekpéwomo aptémakxa, apkelana enxoho ekyókxoho m'a séltémo nak chá'a elána', apkelyahákxoho enxoho m'a segánamakxa ahagkok, tén han séltémókxa etnehek,

Daniel 6:22

Apcháphássek xeyk apchásenneykha Dios ahagkok, apkeláhakkásegkokxeyk xeyk atña'ák yámakméwa, yaqwayam enxoho mehetnéssessamok exma ekmaso ko'o, hakte apya'ásegkok ko'o Dios sekteme meyke sektémakxa', malaneyk han xama aqsok ekmaso énmexma nak xép wesse'.

Proverbios 20:7

¡Apkeleñémo kélketchek apkexeykekxa axta neptámen ma'a énxet ekpéwomo axta aptémakxa', tén han meyke axta aptémakxa'!

Proverbios 11:3

Apkeltémakxa ekpéwomo chá'a kataqmelchessesek apkelxega m'a énxet'ák apkelpéwomo nak; keñe m'a énxet'ák apkelmopwancha'a nak chá'a amya'a kanaqtawásekxohok agkok chá'a m'a apkelmopwancha'a amya'a nak.

Salmos 78:72

Apkeláneykha axta David Dios énxet'ák apagkok; yetlo apmopwána aqsok, apnaqleykha axta chá'a yetlo meyke aptémakxa.

Salmos 73:13

¡Chaqhémok sektéma ektaqmalma sektémakxa, chaqhémok sélwátéssama sélane m'a aqsok ekmaso!

Salmos 26:6

Wesse', émenyeyk ko'o eypetchegwomhok ekwatnamáxchexa nak aqsok apagkok, yetlo sélyenyesso emék, hakte méko táhak may'assáxma,

Salmos 25:21

Sektémakxa ektaqmela sa' hetaqmelchesek, tén han ekpéwomo sektémakxa, hakte may'ásseykmok ko'o exchep.

Salmos 24:4

Wánxa m'a megkalane nak aqsok ekmaso, eyáxñeyo nak awáxok, meyke nak megkay'assáxma, megkalpeykessamo nak kéleykmássesso, megkaxeyenma nak kalának aqsok ekmowána amya'a.

Job 33:9

“Cháxña'awók ko'o sektémakxa, méko han sektémakxa, méko han aqsok magwaqhémo, tén han may'assáxma.

1 Crónicas 29:17

Dios ahagkok, ekya'ásegkók ko'o apteme apkelányo chá'a egwáxok, tén han apchásekhayo m'a ekpéwomo nentémakxa. Cháxa keñamak sélmésa nak xép ekyókxoho s'e aqsok nak yetlo eyáxñeyo ewáxok. Payhékxeyk kaxwók ewáxok sekwet'a énxet'ák apagkok apchaqnákxo nak se'e, apkelmésa chá'a aqsok apkelmésso naqsa yetlo melmeyágweykekxa.

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

Josué 22:22

—Apya'ásegkok negko'o Wesse' egegkok, apteme nak Dios ekyókxoho aqsok ekha élmowancha'a nak, manláneya negko'o ekwatnamáxchexa aqsok eñama nénmexeykekxa', essenhan negyamasma. Apya'ásegko', apkelya'assásegkok nahan kélyókxoho kéxegke; naqsók sa' agkok negko'o nénmexeykekxo m'a, ¡tásek hẽlnápekxa'!

Génesis 12:13

Cháxa keñamak séltamho nak ko'o hexének ektáha exche' eyáxeg, yaqwayam sa' ko'o kataqmelek setnéssesakxa', tén han meheyaqhek eñama sesexnenagko exche'.”

Génesis 20:13

Éltémók axta chá'a hexének ektáha eyáxeg ma'a nélwánxa enxoho chá'a yókxexma, cham'a sekxók axta apkeltémo Dios atyapok ma'a táta apxagkok.

Génesis 20:16

Keñe axta Sara aptáha apcháneya s'e: —Mil sawok selyaqye hawók sekmésa exche' xeye' yapma', cháxa yaqwayam sa' katnehek ekwetamaxche exche', meyke élane xama aqsok ekmaso, nápaqta'awók ma'a apyókxoho apheykha nak axagkok. Méko sa' kaxénmakha ekmaso exche'.

Salmos 7:9

Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!