Génesis 19:13 - Biblia Enxet

¹³ hakte agmasséssók sa' negko'o s'e yókxexma nak. Xámokmeyk apxénamap ekmaso s'e énxet'ák apheykha nak tegma apwányam, weykmek ma'a aphakxa nak Wesse' egegkok, cháxa keñamak sẽláphasa nak apkeltamho agmasséssók.

Génesis 19:13 Referans Kwoze

Génesis 18:20

Keñe axta Wesse' egegkok aptáha s'e: —Legamaxcheyk apkelwesey ekmaso agko' ma'a énxet'ák Sodoma tén han Gomorra, asagko' agko' han ma'a melya'assáxma,

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Isaías 36:10

¿Apkeneykeya nahan axñekmok ko'o meyke Wesse' egegkok yaqwayam aktámegma', tén han amasséssók se'e apchókxa nak? ¡Neykhe apkeltémo ko'o aktámegmak kéxegke m'a tén han amasséssók!’

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Génesis 13:13

apheykegkaxa axta apyókxoho énxet'ák élmasagcha'a apkeltémakxa, apkeláneykegkaxa axta ekmaso agko' apkeltémakxa melya'assáxma, énmexma nak Wesse' egegkok.

Génesis 19:12

Tén axta meyk'a aptáha apcháneya Lot se'e: —¿Yetnéya makham pók apnámakkok se'e? Elántekkes sa' apketchek apkelennay'a, tén han kelwán'ák, keñe han apkelpepháyem, tén han ma'a ekyókxoho aqsok apagkok ekyetnakxa nak se'e tegma apwányam nak. Elye'és sa' makhawo',

Levítico 26:30

Amasséssók sa' ko'o m'a kélpeykessamókxa nak chá'a aqsok kéláyókxa, alpáxqátek sa' chá'a ko'o neyseksa m'a kélwatnamakxa nak chá'a aqsok ánek ekmátsa nak ekpaqneyam éten agkok; athanchásekxak sa' ko'o mók kélhapák kéxegke m'a néten nak kéleykmássesso kélagkok élyaqnenéyak, altaqnaweygkok ahagko' sa' ko'o kéxegke.

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.

Deuteronomio 28:45

“Káhapwak sa' kéxegke ekyókxoho s'e aqsok ekmaso nak, kalyetlawha sa', kaltahanyekxak sa' nahan ekwokmoho ekmasséssekmo kéxegke, hakte megkólmenyeyk kólyahakxohok ma'a Dios Wesse' kélagkok, megkólmenyeyk nahan kóllanagkok ma'a apkeltémókxa nak chá'a antéhek tén han segánamakxa apkeltémo axta chá'a kóllána'.

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.

Números 16:21

—¡Kólántép sa' nepyeseksa xa énxet'ák nak, amasséssók sa' ko'o ekmanyehe agko'!