Génesis 18:19 - Biblia Enxet

¹⁹ Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Génesis 18:19 Referans Kwoze

Proverbios 22:6

Elxekmós aptémakxa ektaqmela sakcha'a aptáhakxa nak makham ketchetse', keñe sa' ma'a aptáha enxoho apwányamo, megkalwánaqmék chá'a.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Josué 24:15

Sa' agkok kólmakók kólyahakxohok Wesse' egegkok, Kólyésha sa' sakhem yaqwánxa kólyetlók: kélmakók sa' agkok kólyetlakxak aqsok kéláyókxa apkelpeykessamo axta chá'a kélyapmeyk nanók ma'a neyáwa nak wátsam Éufrates, essenhan ma'a apkelpeykessamo axta chá'a amorreos apheykencha'a nak se'e yókxexma nak. Wesse' egegkok sa' eyke negko'o agyetlakxa', ko'o tén han sekhawóxama.

Deuteronomio 32:46

Tén axta aptáha apkeláneya israelitas se'e: “Kóltaqmelchesho sa' kalchetmok kélwáxok se'e sektáhakxa nak séláneya s'e sakhem nak, kólána' sa' elanagkok kélketchek ekyókxoho ektémakxa nak ekxeyenma s'e segánamakxa nak.

Salmos 34:15

Elanha chá'a Wesse' egegkok ma'a énxet'ák meyke nak apkeltémakxa, yeyxhok nahan chá'a m'a apkelmaxneyéyak nak.

Salmos 11:4

Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

Job 1:5

Wokmek axta agkok chá'a néxa ekhem apkeláneyak ektámáxche ekyawe, keñe eláneyha chá'a apketchek ma'a Job, axto'ók agko' axta chá'a exatakhak egkések aqsok kéltósso ekwatnamáxche', yaqwayam emasséssesek apkeltémakxa melya'assáxma xama chá'a xa apketchek nak. Axta aptemék chá'a Job xa ektáha nak, eyáyo apnények elanagkok melya'assáxma apketchek, kalyemnaha apkelwáxok ma'a Dios.

Isaías 38:19

Wánxa eyke apwanchek elpeykeshok xép ma'a énxet'ák apkelyenná nak makham, ekhawo nak sektáhakxa ko'o s'e ekhem nak. Eltennasha chá'a apketchek apyapmeyk ma'a ektémakxa nak xép mehegyenyaweykha.

Salmos 1:6

Wesse' egegkok aptaqmelchessesso ámay apagkok ma'a énxet'ák apkelpéwomo nak, keñe m'a ámay apagkok nak énxet'ák melya'assáxma, kalya'aksek sa' ma'a sẽlmassésseykemxa nak.

2 Samuel 7:20

¡Wesse', méko kaxwók atnehek wának xép, hakte ey'ásegkok ko'o exchep sektáha nak apkeláneykha!

Amós 3:2

“Kéxegke axta kélwánxa kélagkok sélyéseykencha'a ko'o nepyeseksa m'a apyókxoho énxet'ák nak keso náxop. Cháxa keñamak peya nak ko'o ayaqmagkásekxak ma'a ekyókxoho aqsok élmasagcha'a nak kélláneyák.”

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 12:3

Apasmok sa' ko'o m'a appasmo nak chá'a exchep, ataqnók sa' nahan chá'a ko'o m'a aptaqnagko nak chá'a exchep; xép sa' kañenták apasmok m'a apyókxoho énxet'ák apheykha nak keso náxop.”

Génesis 17:9

Aptáhak axta makham Dios apcháneya Abraham se'e: —Xép akke, elyahakxoho sa' ma'a ekhémo mók nélpaqhetchásamáxkoho ahagkok, ekweykekxoho m'a apyókxoho aptawán'ák neptámen nak.

Génesis 22:18

apkeleñémo sa' kólteméssesagkok ma'a apyókxoho énxet'ák apheykha nak keso náxop, eñama m'a aptawán'ák neptámen, hakte élyeheykekxók ko'o exchep.’

Génesis 35:2

Keñe axta Jacob aptáha apkeláneya ekheykha apxagkok, tén han ma'a apyókxoho ektáha axta apkelxegexma'a: —Kólchexa sa' ekyókxoho aqsok kéláyókxa éleñama nak mók nekha, ekhéyak nak kélnepyeseksa kéxegke, kólyaqpasák yegmen, kólyaqmagkasák sa' han pók kélnaqta.

2 Samuel 22:22

hakte ekyetlamchek axta ko'o m'a Wesse' egegkok nak ámay apagkok; ¡mayenseykmok xama enxoho m'a Dios ahagkok!

Nehemías 9:7

“Wesse' egegkok, xép apteme Dios apkelyéseykha axta m'a Abram; aptekkessegkek axta exchep ma'a Ur tegma apwányam apagkok nak ma'a caldeos, apteméssessegkek axta han apwesey Abraham.

Levítico 14:42

Keñe sa' kólmekxak mók meteymog yaqwayam kólyaqmagkasek ma'a kélhaxyawasso nak, tén han yelpa' axnagkok yaqwayam kóltexnágkok ma'a tegma.

Jueces 13:12

Tén axta aptáha Manoa s'e: —Temék sa' agkok ma'a aptáhakxa nak xép segáneya, ¿háxko sa' anteméssesek negko'o negwánegkesso m'a sakcha'a? ¿Háxko sa' anteméssesek ma'a?

2 Crónicas 14:3

Apkelyaqnegkásegkek axta élwatnamáxchexa nak aqsok kélpeykessamókxa axta chá'a m'a aqsok kéláyókxa éleñama nak mók nekha, cham'a ekpayho nak néten; nekha'a étkók axta aptemessásekxak ma'a meteymog élpagkanamaxche', apkelpáxqátekxeyk axta han ma'a kéleykmássesso nak Aserá.