Génesis 18:15 - Biblia Enxet

¹⁵ Chekak axta han Sara ekleg'a xa, peyk axta eykhe keyxaxkoho'. Axta keñamak ektáha s'e: —Neykhe ko'o waktegmáha. Keñe axta Wesse' egegkok aptáha apchátegmowágko s'e: —Kektegmáha neykhe.

Génesis 18:15 Referans Kwoze

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Proverbios 12:19

Megkamassegwomek chá'a m'a amya'a ekmámnaqsoho nak, megkawegqók eyke chá'a m'a amya'a megkamámnaqsoho nak.

Job 2:10

Apchátegmowágkek axta aptáwa' m'a Job: —¡Máxa kelán'a ekyeyháxma táhak ekpaqmeta! Ólmok chá'a negko'o m'a aqsok éltaqmalma sẽlmésso nak chá'a m'a Dios, mogwanchek han antaqheksohok ma'a aqsok ekmaso nak séghé. Méko axta xama enxoho appeywa élánésso mey'assáxma Job, neyseksa ekteme xa ekyókxoho nak.

Génesis 12:13

Cháxa keñamak séltamho nak ko'o hexének ektáha exche' eyáxeg, yaqwayam sa' ko'o kataqmelek setnéssesakxa', tén han meheyaqhek eñama sesexnenagko exche'.”

Génesis 4:9

Keñe axta Wesse' egegkok aptáha apkelmaxneyeyncha'a Caín se'e: —¿Háxko m'a Abel, apyáxeg nak xép? Aptáhak axta Caín apchátegmowágko s'e: —May'ásegkok. ¿Ko'oya séláneykha chá'a m'a?

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

Génesis 18:16

Apkelchampákxeyk axta néten ma'a meyk'a, apkelxegákxeyk axta apkelpéwomo m'a ekpayho nak tegma apwányam Sodoma. Apkelyetlákxók axta han Abraham apkelpeykásekxoho m'a énxet'ák nak.

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.