Génesis 17:16 - Biblia Enxet

¹⁶ Tásek sa' yaqwánxa atnéssesek, agkések sa' xama apketche eñama m'a. Tásek sa' yaqwánxa atnéssesek. Sa' etnehek egken énxet'ák apxámokma xa, sa' kañe' aptépéyak apkelwesse'e apkelwányam xa.

Génesis 17:16 Referans Kwoze

Génesis 35:11

aptáha apcháneya s'e: “Ko'o sekteme Dios ekha apyennaqte; exámásekxa sa' apketchek, tén han aptawán'ák neptámen. Xeyep sa' kañék apteyapma énxet'ák, tén han apxámokma pók aptémakxa énxet'ák, elántépok sa' apkelwesse'e apkelwányam nepyeseksa m'a aptawán'ák neptámen.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Génesis 17:6

Wának sa' exámekxohok apagko' xép ma'a aptawán'ák neptámen, xép sa' kañék etepagkok apkelwesse'e apkelwányam, tén han pók aptémakxa énxet'ák.

Génesis 24:60

Axta kéltáhak kélmaxnéssesa Rebeca kéltamho kataqmelek ekha s'e: “Xeye', egyáxeg, ¡Katnehek sa' xe' apxámokma apagko' étchek! ¡Elmok sa' tegma apkelyawe apagkok apkelenmexma m'a atawán'ák natámen!”

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 1:28

Keñe axta aptáha appeywa apkeltamho kataqmelhok ekheykha s'e: “Exámekxak sa' kélketchek; elánhok sa' ekyókxoho yókxexma keso náxop, apagkok sa' nahan etnahagkok; etnéssesek sa' nahan apmakókxa enxoho etnéssesek ma'a kelasma, tén han ma'a náta, tén han ma'a ekyókxoho aqsok nawha'ák élpexyaweykegkoho nak xapop.”

Génesis 17:15

Aptáhak axta han Dios apcháneya Abraham se'e: —Kamaskok sa' kaxwók kaltamhaxchek Sarai ma'a aptáwa' nak xép, Sara sa' kaxwók katnehek ekwesey.

Génesis 17:19

Aptáhak axta Dios apchátegmowágko s'e: —Éltennásse neykhe ko'o exchep peya kagkések xama apketche m'a aptáwa' Sara, keñe sa' xép etnéssesek apwesey Isaac. Sa' alanaksek ko'o ekhémo mók nélpaqhetchásamáxkoho m'a, yetlo m'a aptawán'ák neptámen, mamasséssemek sa' chá'a.

Génesis 21:1

Aptaqmelchessek axta apteméssesakxa Wesse' egegkok ma'a Sara, ekhawo apxeyenmakxa axta etnéssesek.

Génesis 25:23

Aptáhak axta apchátegmowágko s'e: “Ánet apchókxa pók aptémakxa énxet'ák hágkok kañe' awáxok. Apqánet énxet apkelnápékpok amonye' appalleyam. Xama sa' etnehek apyennaqte apagko', mexók sa' ma'a pók nak, apchásenneykha sa' etnehek átnaha apketkok ma'a apsexyo nak.”

Génesis 36:31

Keso apkelwesse'e apkelwányam apmonye'e axta m'a Edom, meykexa axta makham wesse' apwányam apagkok ma'a israelitas:

Génesis 15:4

Aptáhak axta Wesse' egegkok apchátegmowágko s'e: —Apketche apagko' sa' elmekxak ma'a aqsok apagkok nak xép, háwe sa' pók énxet.