Génesis 16:14 - Biblia Enxet

¹⁴ Cháxa keñamak kélteméssesa nak ekwesey m'a yámelchet nak: “Yámelchet apagkok ekha nak apyennaqte, setayo nak chá'a ko'o.” Cháxa yámelchet nak, yetnegkek ma'a neyseksa nak teyp Cadés, halep nak Béred.

Génesis 16:14 Referans Kwoze

Números 13:26

ma'a Cadés, yókxexma meykexa nak énxet ma'a Parán. Cha'a aphakxa axta nahan Moisés ma'a tén han Aarón, tén han ma'a apyókxoho israelitas. Apkeltennáseyha axta nahan ektáhakxa apkelwete aqsok ma'a, apxekmóssek axta han ma'a yámet ekyexna éleñama m'a apchókxa nak.

Génesis 25:11

Aptaqmelchessessek axta apha Dios Isaac natámen axta apketsapma Abraham, apheykmo axta m'a nekha yámelchet ekwesey nak “Memassegwayam tén han seté.”

Génesis 24:62

Aptaqháwok axta Isaac apkeñama m'a yámelchet ekwesey nak “Memassegwayam tén han seté”, hakte aphegkek axta m'a yókxexma Négueb.

Génesis 21:31

Cháxa keñamak ektéma nak ekwesey Beerseba xa yókxexma nak, hakte cháxa apteméssesakxa axta naqso' apmésso appeywa pók nápaqtók Dios xa apqánet nak.

Génesis 14:7

Xama axta apkexyekmo makham ma'a Quedorlaómer, yetlo m'a ektáha axta apkelxegexma'a, apkelwa'akteyk axta m'a En-mispat, ekwesey nak han Cadés, apnaqtawáseyha axta han ekyókxoho aqsok apwet'akxa enxoho chá'a apmonye'e m'a yókxexma apagkok nak amalecitas, hawók axta han apteméssesakxa m'a amorreos, apheykencha'a axta m'a yókxexma Hasesón-tamar.

Génesis 16:15

Wetássek axta apketche Agar ma'a Abram, apteméssessek axta apwesey Ismael,

Génesis 21:19

Keñe axta Dios apxekmósa xama yámelchet ma'a Agar. Mahágkek axta han ma'a, yetmeyk axta yegmen ma'a yempehek nak, chágkek axta m'a Ismael.