Génesis 14:19 - Biblia Enxet

¹⁹ Axta aptáhak appeywa apkelmaxnéssesa aqsok éltaqmela Abram se'e: “Dios meyke ekhémo sa' epasmok xép, apkelane nak néten tén han keso náxop;

Génesis 14:19 Referans Kwoze

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

Salmos 24:1

Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.

Rut 3:10

—¡Wesse' egegkok sa' epasmok! —axta aptáhak apcháneya Booz—. Yeykhágwokmók agko' nak la'a exche' ekwetamaxche ektaqmalma ektáhakxa élane aqsok eñama megkayenseyam ekxéneykha awáxok ma'a atáwa' axta. Tásek axta eykhel'a kategyaha exche' pók énxet apketkok enxoho, maxnawo nak ko'o, meyke nak aqsok apagkok, essenhan ma'a ekxámokma nak aqsok apagkok, makke exche' katneyk —axta aptáhak apcháneya.

Miqueas 6:6

¿Yaqsa sa' ko'o asakxések Wesse' egegkok yaqwayam alpeykesho', cham'a Dios apha nak néten? ¿Awakxaya sa' ko'o aphakxa yetlo sekyentameykekxa weyke étkók kennawo' xama apyeyam agkok, yaqwayam enxoho kawatnaxchek kólmések?

Salmos 115:16

Wesse' egegkok apagkok ma'a néten, keñe énxet apméssama xapop.

2 Samuel 2:5

apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

Génesis 49:28

Cháxa apteme axta doce pók aptémakxa énxet'ák Israel xa, cháxa aptáhakxa axta han apkeláneya apyáp ma'a apketchek, apkelmaxnessásegko chá'a xama m'a aqsok éltaqmela.

Génesis 47:10

Appeykásekxeyk axta makham Jacob ma'a faraón, tén axta aptepa m'a aphakxa.

Génesis 47:7

Apyentamákxeyk axta han José apyáp Jacob aphakxa nak faraón. Appeykessek axta Jacob yetlo ektaqmeleykha appeywa m'a faraón.

Génesis 27:4

Hehanches sa' sekto ekmátsa, sekmáheya nak chá'a ko'o, hesantagkas sa' yaqwayam atwok ko'o, keñe sa' almaxnéssesek aqsok éltaqmela amonye' sétsapma.

Salmos 50:10

hakte ahagkok ko'o m'a ekyókxoho aqsok nawha'ák nak, tén han aqsok kélnaqtósso élleykha nak neyseksa egkexe;

Génesis 24:3

Etnésses sa' naqsók agko' Wesse' egegkok, Dios nak néten tén han keso náxop, megyohok ko'o hatte Isaac emok xama kelán'a eñama nak se'e Canaán, sekhakxa nak ko'o,

1 Samuel 15:13

Tén axta Samuel apmahágko m'a aphakxa axta Saúl, keñe axta Saúl aptáha apcháneya s'e: —Wesse' egegkok sa' epasmok. Élanak ko'o m'a apkeltémókxa axta alának Wesse' egegkok.

Deuteronomio 10:14

Kólya'asagkoho chá'a Dios Wesse' kélagkok apteme apagkok ma'a néten tén han ma'a netnók agko' nak ma'a néten, tén han keso náxop tén han ma'a ekyókxoho aqsok ekhéyak nak awáxok.

1 Crónicas 29:11

¡Wesse', xép apagkok ma'a aptémakxa nak apteme apwányam apagko', apmopwána, apcheymákpoho, apteme apkeláneykha ekyókxoho aqsok, tén han apteme wesse'! Hakte xép apagkok ma'a ekyókxoho aqsok ekhéyak nak néten, tén han ekhéyak nak náxop. Xeyep han apagkok ma'a aptémakxa nak wesse' apwányam, hakte xeyep Wesse' egegkok, apteme néten agko' ekyókxoho aqsok.

2 Crónicas 31:8

Xama axta apteyánegwokmoho Ezequías tén han apkelámha apmonye'e m'a aqsok kéláncháseykekxa', apméssek axta ekxeyenma apwáxok Wesse' egegkok, tén han ma'a énxet'ák apagkok nak Israel.

Salmos 115:15

Etaqmelchessesek sa' kéxegke kélheykha m'a Wesse' egegkok, apkelane nak néten tén han keso náxop.