Génesis 14:18 - Biblia Enxet

¹⁸ Apsókassek axta pán tén han vino m'a Melquisedec apteme axta wesse' apwányam Salem, apteme axta han Dios meyke ekhémo apkelmaxnéssesso énxet'ák apagkok.

Génesis 14:18 Referans Kwoze

Salmos 110:4

Appenchessek han apteméssesso naqso' ma'a Wesse' egegkok, mopwanchek chá'a epeynchámekxak appeywa: “Xép apteme apkelmaxnéssesso Dios énxet'ák apagkok megkatnégwayam néxa, ekhawo ektémakxa axta aptamheykha Melquisedec.”

Salmos 76:2

Apyetnegkek tegma appagkanamap apagkok ma'a Jerusalén; aphegkek ma'a egkexe Sión,

Salmos 57:2

Awónmakha sa' ko'o m'a Dios meyke nak ekhémo, cham'a Dios sepasmo nak chá'a ekyókxoho setnamakxa.

Salmos 7:17

Alteméssesek sa' ko'o apcheymákpoho Wesse' egegkok, hakte péwók aptémakxa m'a; anneykmássesek sa' ko'o apwesey Wesse' egegkok, apwesey nak Meyke Ekhémo.

Rut 3:10

—¡Wesse' egegkok sa' epasmok! —axta aptáhak apcháneya Booz—. Yeykhágwokmók agko' nak la'a exche' ekwetamaxche ektaqmalma ektáhakxa élane aqsok eñama megkayenseyam ekxéneykha awáxok ma'a atáwa' axta. Tásek axta eykhel'a kategyaha exche' pók énxet apketkok enxoho, maxnawo nak ko'o, meyke nak aqsok apagkok, essenhan ma'a ekxámokma nak aqsok apagkok, makke exche' katneyk —axta aptáhak apcháneya.

Miqueas 6:6

¿Yaqsa sa' ko'o asakxések Wesse' egegkok yaqwayam alpeykesho', cham'a Dios apha nak néten? ¿Awakxaya sa' ko'o aphakxa yetlo sekyentameykekxa weyke étkók kennawo' xama apyeyam agkok, yaqwayam enxoho kawatnaxchek kólmések?

Salmos 50:14

¡Kóltemésses aqsok kélmésso naqsa ekxeyenma kélwáxok ma'a Dios; kóllána aqsok kéltennasso axta kóllanaksek ma'a Meyke nak Ekhémo!

2 Samuel 2:5

apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

Salmos 104:15

nento ekméssamo nak chá'a apyennaqte, tén han vino, ekpeykáseykekxoho nak chá'a apwáxok, eyátsessáseykhal'a chá'a nápat, ektémól'a pexmok égmenek.

Números 18:28

Elyetnakhássesek sa' Wesse' egegkok levitas ma'a aqsok apkelmésso nak chá'a israelitas, cham'a ekwayam nak diez apagkok. Elmeyásekxak sa' ma'a apkelmaxnéssesso Dios énxet'ák apagkok Aarón.

Números 24:16

yetnáha agkok ahaqtek kayágwomhok sekwete yáxña'akxoho aqsok, sekya'áseykegkoho nak ma'a apya'áseykegkoho nak Meyke nak Ekhémo, añak chá'a amya'a, hélxekmóshok nahan chá'a aqsok eñama nak Dios ekha apyennaqte.

Salmos 76:3

axta apkelekkexmak kélmeykha nak chá'a kélanchesso kempakhakma m'a: cham'a kéláhakkassamaxche', sókwenaqte, yágke, tén han ma'a sawhéwa.

Daniel 4:31

Axta han epenchásawok appeywa wesse' apwányam apleg'a xama kélpeywa eñama néten, ektáha eyáneya s'e: “Yeyxho sa' se'e wesse' apwányam Nabucodonosor. Háwe kaxwók xép apagkok aptémakxa nak wesse' apwányam;