Génesis 14:14 - Biblia Enxet

¹⁴ Xama axta apleg'a amya'a Abram apmákpo apephénem, apchánchesákxeyk axta apkeláneykha, ektáha axta chá'a meyenyaweykha, apkektega axta m'a apxagkok nak, trescientos dieciocho énxet axta han apyókxoho, apkelántekkek axta apkelamhágko m'a apkelwesse'e apkelwányam, ekweykmoho m'a tegma apwányam nak Dan.

Génesis 14:14 Referans Kwoze

Jueces 18:29

Lais axta ekwesey eykhe sekxók ma'a, keñe aptemessáseykekxo ekwesey Dan, ekxénweykekxoho apwáxok ma'a apyáp nano', Israel axta apketche.

Eclesiastés 2:7

élmomchek axta énxet sélásenneykha naqsa, tén han ma'a kelwán'ák nak, yetneyk axta han sélásenneykha naqsa appalleyam nak exagkok; xámok axta han weyke seknaqtósso, tén han nepkések, ekyeykhásseykmók axta m'a apmonye'e apheykha axta m'a Jerusalén, matyapmakxa axta ko'o.

Deuteronomio 34:1

Apchánteyk axta Moisés néten egkexe Nebo ekyetnama nak ma'a yókxexma meykexa nak énxet Moab, étseksek nak ma'a egkexe Pisgá, ekyetnama nak ma'a ekpayho nak Jericó. Cha'a apxekmósakxa axta nahan Wesse' egegkok ekyókxoho yókxexma nak Galaad ma'a ekweykekxoho m'a Dan nak xapop apagkok,

Génesis 17:27

yetlo m'a apyókxoho énxet'ák apheykha nak apxagkok, tén han ma'a apkelásenneykha appalleyam nak ma'a apxagkok, tén han ma'a apkelma axta apyánmagkasso selyaqye apkexeykekxa m'a pók énxet'ák.

Génesis 17:12

Kólyenyekhássesagkok sa' chá'a apyempe'ék apyókxoho apkelennay'a kélnepyeseksa kéxegke, ekwokmo enxoho chá'a ocho ekhem aptéyam, ekweykekxoho m'a sakcha'a aptéyam nak kélxagkok essenhan kélásenneykha naqsa nak apmomap kélyánmagkasso selyaqye, apyenyeykekxa m'a pók énxet apkeñama nak mók nekha.

Génesis 12:5

Apyentegkek axta han aptáwa' Sarai, tén han ma'a apephénem Lot, yetlo axta han ma'a ekyókxoho aqsok apagkok ekyetnakxa nak, tén han énxet'ák apkelmá axta m'a yókxexma Harán. Xama axta apkelwokmo Canaán,

Salmos 68:12

“¡Apkenyahágkek kelwesse'e yetlo sẽlpextétamo apagkok!” Melasséxchek axta han aqsok élyementaméyak élenmexma m'a kelán'ák, cham'a axanák nak,

Jueces 20:1

Tén axta apyókxoho israelitas apchaqnákxo m'a Mispá, nápaqtók Wesse' egegkok, eyeynmo m'a Dan ekweykekxoho m'a Beerseba, keñe han ma'a Galaad, xama appasmeykekxa axta aptamhákxa'.

Génesis 23:6

—¡Abraham, hegeyxho sekxo'! Xép aptáha Dios apkelyéseykha negyeseksa negko'o. Yátawanyegwom sa' aptáwa' m'a ektaqmelakxa agko' nak takhaxpop egagkok negko'o, méko kamyók takhaxpop.

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Génesis 13:8

Aptáhak axta Abram apcháneya Lot se'e: “Émók ahagko' ko'o exchep, megkapayhawok ólenmexaxche', megkapayhawok han elenmexakpok ma'a apkeláneseykha nak xép apnaqtósso, tén han séláneseykha nak ko'óxa seknaqtósso.

Génesis 12:16

Sarai axta keñamak apchápéncha'a faraón ma'a Abram. Apkelméssek axta apkelmésso naqsa m'a nepkések, weyke, kélásenneykha naqsa apkelennay'a tén han kelán'ák, yámelyeheykok, tén han ma'a yányátnáxeg.

Proverbios 17:17

Egmók segápeykha nak chá'a, máxa egyáxeg egagko' etnehek ma'a ekwa'a enxoho ekyentaxno negha.

Génesis 14:12

Apmákpek axta han Lot, apephénem axta m'a Abram, yetlo m'a ekyókxoho aqsok apagkok ekyetnakxa nak, hakte aphegkek axta m'a Sodoma.

Génesis 14:16

Apkelyementamákxeyk axta m'a ekyókxoho aqsok apkelseykekxa axta. Cháxa ektáhakxa axta Abram apwagkasa teyp apephénem Lot. Apkelmákxeyk axta makham ekyókxoho aqsok ektáha axta apagkok ma'a apephénem, apkelmákxeyk axta han ma'a kelán'ák, tén han ma'a pók énxet'ák nak.

Génesis 17:23

Apyenyekhássessek axta han apyempehek Abraham apketche Ismael xa ekhem nak, tén han ma'a apyókxoho apkelásenneykha appalleyam nak apxagkok, keñe han ma'a apkelma axta apyánmagkasso selyaqye apagkok. Kélyenyekhassásegkek axta apyempe'ék ma'a apyókxoho apkelennay'a apheykha nak apxagkok, apkelánesso axta chá'a aqsok, ekhawo apkeltamhókxa axta etnehek ma'a Dios.

1 Reyes 15:20

Apkelyahákxók axta Ben-hadad aptáhakxa apcháneya m'a wesse' apwányam Asá, keñe axta apkeláphasa sẽlpextétamo apkelwesse'e apagkok yaqwayam ektamagkok ma'a tegma apkelyawe nak Israel. Apmeyk axta m'a yókxexma Iión, Dan, Abel-bet-maacá, ekyókxoho m'a yókxexma nak Quinéret, tén han ma'a yókxexma nak Neftalí.

Jeremías 41:12

apchánchesákxeyk axta apyókxoho énxet'ák apagkok, keñe apxega peya elnapakpok ma'a. Apkeltahanya'ak axta nahan nekha ekyetnamakxa axta yegmen ma'a Gabaón.

1 Samuel 30:19

Axta keyméxchek xama aqsok ketsék enxoho apkelmákxo m'a kélmenyexchesso axta, méko axta apxegányam xama enxoho sakcha'a, tén han wokma'ák, hakte apkelmákxeyk axta David ekyókxoho aqsok.