Génesis 13:7 - Biblia Enxet

⁷ hakte apkelenmexamakpek axta chá'a pók ma'a Abram apkeláneseykha apnaqtósso, tén han ma'a Lot axta apkeláneseykha apnaqtósso. Apheykha axta eyke makham cananeos, tén han ferezeos ma'a.

Génesis 13:7 Referans Kwoze

Génesis 26:20

Apkelátegmoweykpek axta han apkeláneykha nepkések nak xapop ekyapwate Guerar ma'a apkeláneseykha axta Isaac nepkések apnaqtósso, hakte apxénchek axta ektáha apagkok ma'a yegmen nak. Axta keñamak Isaac apteméssessama ekwesey “Nélátegmómaxchexa'” cháxa yámelchet nak, hakte apkelátegmoweykpek axta m'a.

Génesis 12:6

apyeykhágwokmek axta Abram xa yókxexma nak, ekweykmoho m'a yókxexma Siquem, émhakxa nak axta m'a yámet ekpagkanamaxche yókxexma nak Moré. Apheykha axta énxet'ák Canaán xa yókxexma nak.

Génesis 34:30

Keñe axta Jacob aptáha apkeláneya Simeón tén han Leví s'e: —Asagkek kéxegke sélteméssesakxa'. Hetaqnók sa' ko'o kaxwók énxet'ák apheykha nak se'e yókxexma nak, cham'a cananeos, tén han ferezeos. Épetchekxak sa' pók hénmexek ko'o, tén sa' hektámegma', heyaqhek sa' ko'o tén han ma'a ekheykha nak exagkok, hakte apqántawok ko'o énxet'ák ahagkok.

Nehemías 5:9

Axta ektáhak han séláneya s'e: “Asagkek xa kéltáhakxa nak. Kéméxcheyk kóláwhok Dios egagkok, keñe sa' mehegya'ássemek chá'a énxet'ák melya'áseyak nak Dios, cham'a sẽlenmexma nak.

Éxodo 2:17

apkelwa'ak axta eyke nahan apkeláneykha nepkések tén axta apkelántekkesa'a m'a nekha yámelchet nak. Keñe axta m'a Moisés apkempákxo néten apya'awa m'a énxet'ák nak apkelmeyawa m'a kelán'ák, apkelágkek axta nahan yegmen ma'a nepkések.

Génesis 21:25

Apkeltennásekxók axta han Abraham Abimélec ma'a yámelchet apagkok apkeltemegweykmo axta apagkok ma'a apkelásenneykha nak.

Génesis 10:19

Weykmok axta xapop apagkok énxet'ák Canaán ma'a yókxexma nak Guerar, eyeynamo m'a tegma apwányam nak Sidón, ekweykekxoho m'a tegma apwányam nak Gaza, ekmeyeykekxa nak ma'a tegma apkelyawe Sodoma tén han Gomorra, Admá, tén han Seboím, ekweykekxoho m'a tegma apwányam nak Lesa.

Génesis 46:34

kóltennaksek sa' kéxegke wánxa kéltamheykha m'a kélxámáseykekxa nepkések, ektéma axta m'a kélyapmeyk nano'. Keñe sa' kólhakha m'a yókxexma nak Gosen, hakte mopmenyeyk elyepetkohok apkeláneykha nepkések ma'a énxet'ák Egipto.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.