Génesis 10:4 - Biblia Enxet

⁴ Keso Javán axta apketchek se'e: Elisá, Tarsis, Quitim, tén han Rodanim.

Génesis 10:4 Referans Kwoze

Daniel 11:30

Ektámegmak sa' sẽlpextétamo apagkok ma'a sẽlpextétamo apkeleñama nak taxnegwánxa ekhem yántakpayhe apkelchánte, eltaqhohok sa' eñama apkelaye. Keñe sa' metwasha apagko' etaqnók wesse' apwányam apha nak nexcheyha m'a ektémakxa nak kélpeykessamo Dios, elásenneykxak sa' ma'a énxet'ák apkelyamasma nak ektémakxa kélpeykessamo Dios, apkelyetleykekxa axta m'a.

Isaías 23:12

Aptáhak axta apkeláneya énxet'ák Sidón se'e: “Kólwátésák kélnéweykha, kéxegke, kélyetchesamaxkoho nak kelán'a étkok aptahanwayam la'a aqsa énxet neyseksa megkalyeheykekxa yaqwánxa etnéssesek. Kaxének sa' eykhe kélwáxok kólmahagkok ma'a Chipre, megkólwetágwomek sa' eyke kéllókassamakxa kélyampe m'a.”

Isaías 23:1

Tiro ekxénamaxche yaqwánxa kólteméssesek. Kelxegáha apnenya'ák apkellekxagweyncha'a m'a apkelchánte nak chá'a yántakpayhe éleñama nak Tarsis, hakte kéltawáseyha m'a apnegkenweykekxexa nak chá'a yántakpayhe apagkok. Axta nahan apkellegágwakxohok amya'a kéltawassáseyncha'a m'a sekxók apkelchexyekmo axta apkelenyékto m'a Chipre.

Números 24:24

Kalxegmak sa' yántakpayhe éleñama Chipre yetlo kempakhakma yapmeyk, yetsagkasek sa' ma'a Asiria, tén han ma'a Éber, hakte kólmasséssók sa' nahan ma'a Éber.”

Ezequiel 27:25

Katekxeyenták axta chá'a mók kalchexyók yántakpayhe éleñama nak Tarsis kalsantagkasek ma'a aqsok. “Máxa axta yántakpayhe aptemék apyetnama m'a neyseksa wátsam ekwányam, ekláneyól'a aqsok ekxámokma m'a kañe'.

Ezequiel 27:12

Xámok agko' axta m'a aqsok apagkok, Apkelyánmagkásamákpek axta chá'a m'a énxet'ák Tarsis, egkések axta chá'a ekyaqmageykekxa aqsok apkexeykekxa m'a sawo ekmope ekmomnáwa, tén han ma'a sawo ekyentaxno, tén han ma'a sawo ekpexpope ekmanyehél'a kapayhekxa' tén han ma'a yáma énmaga aktek ekmomhápal'a.

Génesis 10:5

Cháxa Jafet axta aptawán'ák neptámen xa, apheykencha'a axta neyáwa wátsam ekwányam. Apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

1 Crónicas 1:7

Javán apketchek: Elisá, Tarsis, Quitim tén han Rodanim.

Ezequiel 27:6

keñe yámet kélmeykha nak chá'a kólxegkesek apkelánéssama m'a yámet robles éleñama nak ma'a Basán; keñe axta apkelánéssama apwáxok ma'a yámet ciprés, éleñama axta kélseykenta m'a neyáwa yókxexma Chipre yetlo kélpáxaqteyáseyak chá'a ektáxama m'a aqsok ekmope élánamáxche nak yánnapóxeg apma'ák.

Ezequiel 27:7

Keñe axta apáwa apagkok kélpeykeseykekxa nak chá'a néten aptáha m'a apáwa apkeláxñe kéleykmassáseykha nak chá'a kélótma apkeñama nak ma'a Egipto, apáwa kélmakheyáseykha néten apagkok axta nahan apteméssessók ma'a; tén axta kélpakxenchesso nak chá'a aptáha m'a apáwa hómáyok tén han apyexwase, apkeleñama axta kélseykenta m'a nekha wátsam ekwányam Elisá.