Génesis 1:6 - Biblia Enxet

⁶ Aptáhak axta makham Dios se'e: “Katyep xama ekméyak neyseksa yegmen, yaqwayam keytek ánet ekyetnamakxa yegmen.” Temék axta han xa.

Génesis 1:6 Referans Kwoze

Job 37:18

¿Apwancheya exchep epasmok Dios appékesso néten, tén han énnaqtések ektémól'a sawo éláxñe?

Jeremías 51:15

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 33:9

Hakte appaqmeyesmeyk axta m'a, keñe élánamáxko ekyókxoho aqsok; apkeltémok axta katnehek, yetlómok axta han élánteyapma.

Salmos 148:4

¡Néten, netno' agko' nak, kólpeykesho Wesse' egegkok, xe' han yegmen ekyetnama nak néten ma'a yaphope!

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Salmos 19:1

Néten senxekmósso negko'o Dios apcheymákpoho, yaphope ekyápaqmate séltennasso m'a aqsok apkelane nak.

Génesis 1:20

Aptáhak axta makham Dios se'e: “Kaxámekxa neygmen ekyókxoho mók ektémakxa nak aqsok élleykha nak neygmen, kalántép nahan náta élchampeykha nak néten xapop.” Temék axta han xa.

Job 26:13

Apwátekhapma keñamak apcháxñáseykekxo néten; apchaqhe apagko' aptemék ma'a yéwa ketók ekxegáneykenxa nak.

Salmos 150:1

¡Aleluya! ¡Kólpeykesho Dios ma'a tegma appagkanamap apagkok nak! ¡Kólpeykesho m'a apmopwána ekwetamaxko nak ma'a néten!

Job 37:11

Elyetmok chá'a yegmen ma'a yaphope nak, etekkesek han chá'a apkelyenma m'a;

Eclesiastés 11:3

Kelyaweykxeyk agkok yaphope, keytlawhok nahan ekmámeye keso náxop. Kelyaqnenágkek agkok yenta'a ekpayho nak nexcheyha, essenhan ekpayho nak nepyeyam, kaxnagkokxa aqsa chá'a m'a élyaqnenakxa enxoho.

Génesis 1:14

Keñe axta natámen aptáha makham Dios se'e: “Kalántép élápogwate m'a néten, yaqwayam kalsaksexma keso náxop, yaqwayam keytnakhaksek ekhem tén han axta'a, yaqwayam sa' han chá'a kólya'asagkohok ekhem, tén han apyeyam nak, tén han ekpekkenamaxchexa nak chá'a ekhem megkólwagqayam.” Temék axta han xa.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Salmos 19:2

Kaltennasha chá'a mók ma'a ekhem; kaxénekxohok chá'a axta'a kaltennasha m'a mók axta'a.