Génesis 1:29 - Biblia Enxet

²⁹ Keñe axta natámen aptáha apkeláneya s'e: “Ekméssek ko'o kéxegke ekyókxoho yenta'a ekteyapmo nak aktek, ekheykegko nak keso náxop, tén han ma'a ekyókxoho yámet ekha nak ekyexna. Cháxa yaqwayam sa' kóltéhek kéltéyak kéxegke xa.

Génesis 1:29 Referans Kwoze

Génesis 9:3

Kélwanchek kóltók ekyókxoho aqsok nawha'ák, tén han ma'a ekyókxoho aqsok kélcheneykekxa namyep. Ekméssek ko'o xa.

Salmos 24:1

Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.

Salmos 147:9

elagkok chá'a ektéyak aqsok nawha'ák, tén han kágqag étkók élpáweyncha'a enxoho.

Salmos 136:25

Apkeleykegkoho nak chá'a aptéyak énxet'ák, tén han aqsok kélnaqtósso, hakte megkamassegwomek chá'a segásekhayo.

Job 36:31

Cháxa aptémakxa apkeleykegko aptéyak ma'a énxet'ák, tén han apkelmeyáseykegko ekxámokma agko'.

Génesis 2:16

aptáhak axta apmésa appeywa s'e: “Apwanchek etwok yámet ekyexna ekyókxoho élámha nak se'e yókxexma ektaqmalma nak,

Oseas 2:8

“Makke kay'ásegkok sektáha chá'a ko'o sekmésso m'a hótáhap apaktek, tén han vino, tén han ma'a pexmok égmenek; megkay'ásegkok sektáha chá'a ko'o sekxámassáseyak ma'a sawo ekmope ekmomnáwa, tén han sawo' ekyátekto élmomnáwa nak, éláneya nak chá'a m'a aqsok eyáyókxa'.

Isaías 33:16

méko sa' katnehek apha xa, kaxek sa' apyexanmomakxa m'a meteymog élyennaqte nak, kaxek sa' chá'a m'a apto, megkameykkehek sa' nahan chá'a m'a yegmen apyá.

Salmos 146:7

Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;

Salmos 115:16

Wesse' egegkok apagkok ma'a néten, keñe énxet apméssama xapop.

Salmos 111:5

elmésagkok chá'a aptéyak ma'a énxet'ák ektáha nak chá'a apcháyo; ¡megkalwánaqmék han chá'a m'a ekhémo mók apkelpaqhetchásamákpoho nak!

Génesis 6:21

Yánchásekxa sa' nahan mók ektémakxa nento, eltaqmelches sa' nahan, yaqwayam sa' xép kaxek apto, tén han ma'a aqsok nawha'ák nak.