Génesis 1:16 - Biblia Enxet

¹⁶ Apkelanak axta Dios ánet élápogwate: cham'a ekyawe nak yaqwayam kalsaksexma ekhem, keñe m'a ketse nak yaqwayam kalsaksexma axta'a; apkelanak axta han yaw'a.

Génesis 1:16 Referans Kwoze

Deuteronomio 4:19

Kélenmexawók agkok nahan ma'a néten kólwetak ma'a ekhem, pelten, yaw'a, tén han ma'a ekyókxoho aqsok élsassóxma nak néten, nágkólho káhapwak ekyekkónma kólpeykeshok xa, hakte apkeláneyak axta Dios Wesse' kélagkok élsassóxma nak néten yaqwayam kalsássesek exma apyókxoho énxet keso náxop.

Salmos 8:3

Élanawók agkok chá'a m'a néten, ektáha axta exchep apkelane, tén han pelten tén han ma'a yaw'a apnegkenma axta m'a,

Isaías 40:26

Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.

Salmos 148:5

Kólpeykesho Wesse' egegkok, hakte appeywa axta apméssók keñe élánamáxko ekyókxoho aqsok;

Salmos 74:16

Xép apagkok ma'a ekhem, tén han axta'a; xép axta appekkenma pelten, tén han ekhem;

Salmos 148:3

¡Ekhem, tén han pelten, kólpeykesho Wesse' egegkok! ¡Kólpeykesho kéxegke yaw'a kélápogwate nak chá'a!

Job 38:7

neyseksa apkelmeneykmasso yaw'a apkelánteyapmól'a axto'o, neyseksa élpayheykekxa apkelwáxok yetlo apkelwónchesso m'a sélásenneykha apheykha nak néten?

Habacuc 3:11

Megkatyapak ekhem, tén han pelten ma'a élántaxnegweykekxexa nak chá'a ekwet'a m'a yágke aktek élyenma apagkok nak, tén han élyenmasso exma nak ma'a sawhéwa apagkok.

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Isaías 13:10

Kamaskok sa' elápogwátek yaw'a tén han yaw'a apkelyawe apchaqneykekxa nak chá'a m'a néten; kapeysamok sa' nahan ektepa enxoho m'a ekhem, megyápogwátek sa' nahan ma'a pelten.

Salmos 19:6

Katyapok chá'a ekhem xama nekha yaphope, kayeyhekxak chá'a kataxnegwakxak ma'a mók nekha nak, méko han xama enxoho awanchek keyxánegkesek ma'a ekmexanma.

Isaías 24:23

Aptemék sa' agkok Wesse' apwányam egkexe Sión ma'a Wesse' ekha nak apyennaqte, cham'a Jerusalén nak, kapeysemekxak sa' ekhem tén han ma'a pelten, keñe sa' ma'a apkelámha apmonye'e nak énxet'ák apagkok elwetak sa' Wesse' egegkok apcheymákpoho.

Job 31:26

Ekweteyak chá'a ko'o kalsaksek exma ekhem, tén han apxega pelten yetlo apchápogwate aptaqmalma,

Jeremías 31:35

Aptáhak Wesse' egegkok, apwesey nak Wesse' ekha apyennaqte, appekkenma nak mayáhat yaqwayam kalsaksek exma ekhem, tén han pelten, yaw'a, yaqwayam elsaksek exma axta'a, apkeltémo nak chá'a kalnextog néten yegmen ma'a wátsam ekwányam, tén han kapáwak awáxok ma'a élyaqyahayam agkok nak: