Ezequiel 8:3 - Biblia Enxet

³ Apya'asakmek axta énxet ekho kélmek, apkelmeyk axta éwa'. Tén axta Dios apmopwána sey'ásekxo néten, éntamákxeyk axta Jerusalén ma'a aqsok sexekmóssamo axta Dios, exnessákxeyk axta m'a nentaxnamakxa nak átog étkok apwáxok ma'a tegma apwányam, ekpayho nak nexcheyha, ekyetnamakxa axta m'a aqsok kéleykmássesso eklókassamól'a m'a Wesse' egegkok.

Ezequiel 8:3 Referans Kwoze

Deuteronomio 32:16

Aplókassegkek axta Dios apkelpeykessamo m'a kéleykmássesso élmasagcha'a agko' nak;

Ezequiel 11:1

Eyeynchek axta ko'o sey'asa néten ma'a Dios apmopwána, éntamákxeyk axta ekweykekxoho m'a apátog nak Wesse' egegkok tegma appagkanamap apagkok, ekpayho nak teyapmakxa ekhem. Apháha axta nahan veinticinco énxet ma'a átog nak. Jaazanías axta nahan ekwet'ak apha nepyeseksa m'a, Azur apketche nak, tén han ma'a Pelatías, Benaías apketche nak, apteme axta apkelámha apmonye'e apagkok ma'a énxet'ák.

Ezequiel 5:11

Naqsók ko'o sektáha sekxéna, sektáha nak Wesse' s'e: amasséssók sa' ko'óxa kéxegke meyke kélmayóseka alano', eñama kéltawáseykha m'a tegma appagkanamap ahagkok kélxátawayam ma'a kéleykmássesso kélagkok élmasagcha'a nak, tén han eñama m'a kéltémakxa nak kéllánéyak aqsok ekmanyása agko'. Megkalepyósek sa' alanok kéxegke.

Daniel 5:5

Pelakkassek axta ektepa xama kélmek, yetlókok axta han ektáxésso kélaphék ma'a nápakha tegma ekpayhókxa axta éltátchesakxa m'a cháléwasso. Xama axta apwet'a wesse' apwányam ektáxésa kélmek ma'a nápakha tegma,

Ezequiel 11:24

Tén axta sey'ásekxo néten ma'a Dios apmopwána, éntamákxeyk axta makham ma'a Babilonia, apheykegkaxa axta nahan nápakha m'a énxet'ák kélántekkesso apkelókxa. Cháxa ektáhakxa axta xama aqsok sélxekmósso apkeltémo axta ótak ma'a Dios espíritu apagkok. Tén axta ekmassa m'a aqsok sekweteyo nak,

Ezequiel 2:9

Tén axta sekwet'a xama kélmek kélya'asakmo m'a ekpayhókxa sekhakxa, weykcha'áhak kélyaqsáseykekxa kéltáxésso axta nahan ma'a.

Deuteronomio 32:21

Elókassegkek ma'a xama aqsok kéláyókxa megkatnaha nak Dios, elókassegkek ma'a aqsok apcháyókxa élmowancha'a amya'a nak; ¡Wának sa' eyke nahan ko'o kólnathak kéxegke m'a pók énxet'ák melya'áseyak nak Dios, wának sa' kóltaqnaweygkok ko'o kéxegke m'a énxet'ák megkalmopmenyého nak elya'asagkohok aqsok!

Deuteronomio 6:15

hakte cham'a Dios Wesse' kélagkok, apha nak kélnepyeseksa kéxegke, apteme Dios apkelmeyeykha, apwanchek nahan eltaqnaweygkok kéxegke tén han emasséssamhok apagko' keso náxop.

Deuteronomio 5:9

Nágkólháxahák amonye'e xa, nágkólpeykesho nahan, hakte ko'o sekteme Dios Wesse' kélagkok, Dios apkelmeyeykha sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, aptawán'ák ekweykekxoho m'a aptawán'ák apketchek nak,

Deuteronomio 4:24

hakte cham'a Dios Wesse' kélagkok nak kéxegke, apteme xama Dios apkelmeyeykha, ¡táxa eksawhomól'a kalwatnek ma'a ekyókxoho aqsok!

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Daniel 10:18

“Epaknegwa'aktamók axta makham ma'a aphémo axta énxet, egkeyásekxeyk axta makham sekyennaqte,

Daniel 10:10

Élchampáseykxeyk axta néten, ekwokmoho sélyaqhapa xapop, tén han séltekxeya etapnák.

Ezequiel 8:5

Tén axta aptáha seyáneya s'e: “Yenmexho ekpayho nak nexcheyha.” Énmexawók axta ko'o m'a nexcheyha, ekwet'ak axta kéleykmássesso eklókassamól'a Wesse' egegkok ma'a nentaxnamakxa nak átog, ekpayhókxa nak ekyetnamakxa m'a ekwatnamáxchexa aqsok.

Ezequiel 7:20

Kelméssegkek apkeleymákpoho m'a aqsok étkók apagkok éltaqmalma élmomnáwa nak, cháxa apkeláneykegkokxo nak han aqsok kéleykmássesso apkeláyókxa élmasagcha'a agko' nak xa. Ekeso éñamakxa peya sa' ko'o atnessásekxak aqsok apák kélchexakha xa aqsok étkók éltaqmalma élmomnáwa apagkok nak.

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Ezequiel 3:12

Tén axta sémpásekxo néten ma'a Dios apmopwána, ekleg'ak axta nahan éxtegyawa ekyennaqte agko' ma'a netámen, máxa axta m'a ektémól'a xóp ekyawheykha, ekmeyákxo néten ma'a Wesse' egegkok élseyéxma apagkok.

Jeremías 32:34

Weykmok aptawáseykha tegma appagkanamap sélpagkanchesso nak ko'o, apnegkenweykmo m'a kéleykmássesso apagkok élmaso agko' nak.

Jeremías 7:30

Aptáhak Wesse' egegkok se'e: “Apkeláneykegkek aqsok megkaleklamakxa nak ko'o ewáxok ma'a énxet'ák Judá: apnegkenweykmek aqsok kéleykmássesso apagkok élmasagcha'a nak ma'a kañe' tegma appagkanamap sélpeykessamókxa nak chá'a ko'o, keñe aptawáseykencha'a.

Salmos 78:58

Aplókassegkek axta apkeláneykegko apkelwatnamakxa aqsok, apkelwatnéssamakxa chá'a aqsok ma'a mók aqsok kéláyókxa, tén han apkelpeykessamo m'a kéleykmássesso, aplókassegkek axta apkelmeyeykha.

2 Reyes 21:7

Appekkenchek axta han Wesse' egegkok tegma appagkanamap apagkok ma'a xama kéleykmássesso Aserá, apxeyenmakxa axta Wesse' egegkok apkeltennassama David, tén han apketche Salomón, aptéma apkenagkama s'e: “Cháxa tegma appagkanamap apyetna nak Jerusalén, sélyéseykencha'a nak nepyeseksa apyókxoho pók aptémakxa énxet'ák Israel, katnehek sa' ekyetnamakxa sekwesey meyke néxa'.

2 Reyes 16:14

Keñe axta m'a ekwatnamáxchexa aqsok élánamáxche nak sawo ekyexwase, ekyetnama nak apmonye' m'a Wesse' egegkok tegma appagkanamap apagkok, apyetnakhássek axta m'a Ahaz, appekkenwákxeyk axta m'a ekpayho nak nexcheyha ekyetnamakxa m'a ekwatnamáxchexa aqsok, keñe axta ekyetnákxo kaxwók neyseksa, teyp nak kaxwe ekwatnamáxchexa aqsok, halep nak Wesse' egegkok tegma appagkanamap apagkok.

2 Reyes 2:16

axta aptemék apkenagkama s'e: —Cincuenta negyókxoho negko'o nélyennaqte xép apkeláneykha. Yoho sa' ólxog agketmok ma'a apkelxekmósso nak xép, Dios espíritu apagkok kexa ya'ásekxak néten, essenhan yensakmok ma'a néten egkexe nak, essenhan ma'a ekyapwátegweykenxa nak xapop. Aptáhak axta apchátegmoweykegko s'e: —Ma', nágkólaphés aqsa xama énxet.

1 Reyes 18:12

Eyenyeykxeyk sa' agkok ko'o exchep, keñe sa' ey'ásekxak mók nekha m'a Wesse' egegkok espíritu apagkok, may'ásegkaxa nak ko'o. Ekya'aweykxeyk sa' agkok ko'o altennássekxak ma'a Ahab, méteyágweyk sa', keñe sa' heyaqhek. Nanók ko'o sekteme seyáyo Wesse' egegkok, sektémakxa axta wokma'ák, ko'o sektáha xeyep apkeláneykha.

Josué 24:19

Aptáhak axta eyke apkeláneya Josué: —Megkólwanchek kéxegke kólyetlakxak ma'a Wesse' egegkok, hakte Dios appagkanamap ma'a, keñe han apkelmeyeykha, kélenmexákxeyk sa' agkok xa, kéllánegko enxoho megkólya'assáxma kéxegke, melásekhekxók sa'.

Éxodo 34:14

“Nágkólpeykesho chá'a xama enxoho m'a pók kéláyókxa nak chá'a, hakte Wesse' egegkok apteme apkelmeyeykha. Dios sẽlmeyeykha apwesey m'a.

Éxodo 20:4

“Ná elána aqsok kéleykmássesso aqsok ekhéyak nak néten, essenhan ma'a ekhéyak nak keso xapop, essenhan ma'a aqsok ekhéyak nak wátsam ekwányam, cham'a kañe' xapop nak.

Ezequiel 1:1

Ekheyk axta ko'o xama ekhem neyáwa wátsam Quebar, cham'a Babilonia, ko'o sektáha nak sélmaxnéssesso Dios énxet'ák apagkok Ezequiel, Buzí apketche, nepyeseksa m'a énxet'ák ektáha axta kélántekkesso kélnaqleykenta m'a. Mayhékxeyk axta néten, ekwet'ak axta Dios eñama aqsok sélxekmósso. Ekhem cinco axta m'a, ektáhakxa axta cuatro pelten, ekwokmo axta treinta apyeyam, ekweykmo axta cinco apyeyam kélyentameykekxa megkatnahakxa apchókxa m'a wesse' apwányam Joaquín. Appekkenchek axta apmek tekhéxet ma'a Wesse' egegkok.

Ezequiel 10:3

Axta nahan apháha apho nak énxet ekha apxempenák ma'a ekpayho nak nepyeyam tegma appagkanamap, lanawók axta nahan yaphope m'a étkok apwáxok nak kañe' m'a tegma appagkanamap.

Ezequiel 37:1

Apweykásenteyk axta ko'o apmopwána tekhéxet Wesse' egegkok, tén axta setekkesa yetlo ekláneyo ewáxok ma'a apmopwána, exnéssekmek axta m'a xama ekyapwátegweykenxa xapop, ekheykegkaxa axta ekxámokma m'a kélexchakkok.

Ezequiel 43:5

Émpásekxeyk axta néten ma'a Dios apmopwána, éntamákxeyk axta m'a étkok apwáxok nak tegma, ekwet'ak axta Wesse' egegkok élseyéxma apagkok eklanawo m'a kañe' tegma appagkanamap.

Ezequiel 43:8

essenhan elánésagkok chá'a tegma apkelyawe apagkok yaqwayam enxoho kaxnagkohok chá'a xamók atña'ák apagkok ma'a apatña'ák nak ma'a tegma appagkanamap ahagkok, wánxa aqsa xama nápakha m'a nepyeseksa nak. Aptawáseykha sekwesey ektaqmalma m'a, apkeláneykegko m'a aqsok megkaleklamakxa nak ko'o ewáxok; cháxa keñamak séltaqnaweykegko nak ko'o m'a tén han sélnápeykekxo.

Ezequiel 9:2

Tén axta natámen sekwet'a seis énxet apkelántaxna m'a átog ekyetno nak néten, ekpayho nak nexcheyha, yetlo apkelmeykha m'a yámet apkeltekpagéyak nak chá'a apkelenmexma. Apxegakmek axta nahan nepyeseksa xama énxet apkeláxñeyo apagko' aptaxno apkexyawe, nepxet axta nahan apkexanmak ma'a apxata nak chá'a aptáxésso. Apkelántaxneyk axta m'a, apchaqnágwokmek axta m'a ekpayhókxa axta ekyetnamakxa m'a ekwatnamáxchexa aqsok élánamáxche nak sawo ekyexwase élyenma.