Ezequiel 4:3 - Biblia Enxet

³ Ema sa' kaxwók xama sawo ekpayhe tén sa' yahaxtamok apmonye' nak xép, halep nak ma'a tegma apwányam, máxa sa' etnéssesek ma'a meteymog kélhaxtal'a nepyáwa tegma apwányam, etnamha sa' xép ma'a apmonye' nak tegma apwányam, máxa sa' etnehek ma'a ektémól'a kólchetamagkok. Cháxa yaqwayam sa' katnehek melchenatchesso m'a énxet'ák Israel.

Ezequiel 4:3 Referans Kwoze

Ezequiel 12:6

Yáqtéssek sa' agkok, elpátem sa' aqsok apagkok, etyapho sa' xamók nápaqta'awók apyókxoho énxet'ák xa aqsok apagkok nak. Yaqlés sa' nápat, yaqwayam sa' métyehek ma'a apchókxa. Éltamhók ko'o exchep etnehek xama magkenatchesso apkeltennasso yaqwánxa katnehek ma'a énxet'ák Israel.”

Isaías 20:3

Tén axta aptáha Wesse' egegkok se'e: “Apweynchámeykha axta meyke apkelatchesso apmagkok tén han meyke aptaxno ekweykmoho apqántánxo apyeyam ma'a séláneykha Isaías, yaqwayam enxoho etnehek melchenatchesso kéltennasso yaqwánxa katnehek ma'a Egipto tén han ma'a Etiopía.

Isaías 8:18

Negko'o nenteme aqsok magkenatchesso sempelakkasso nak agwetak apagkok ma'a énxet'ák Israel, ko'o tén han ma'a étchek sélmésso axta m'a Wesse' egegkok, senteméssesso axta m'a Wesse' ekha nak apyennaqte apha nak ma'a egkexe Sión.

Ezequiel 12:11

Eltennés sa' apteme exchep xama magkenatchesso apkeltennasso chá'a yaqwánxa katnehek ma'a énxet'ák nak, tén han yaqwayam elanagkok chá'a ekhawo m'a apkelanakxa enxoho chá'a exchep, hakte kólnaqlakxak sa' ma'a megkatnahakxa nak apkelókxa.

Jeremías 39:1

Apxegkek axta Nabucodonosor wesse' apwányam Babilonia yetlo apyókxoho sẽlpextétamo apagkok peya yempakhak ma'a Jerusalén ekweykmo axta diez pelten nueve apyeyam apteme wesse' apwányam Sedequías ma'a Judá, apwakhegwokmek axta.

Levítico 2:5

“Aqsok aktek ekyexna sa' agkok apmésso naqsa, cham'a apmakhetchesso nak yánsógweygke appayhe, tásek elának ma'a hótáhap aptaqmalma apagko' nak, kélyelaqtésso nak pexmok égmenek, tén han meyke nak kempáseyak;

Jeremías 39:2

Apkelántaxneyk axta tegma apwányam ma'a sẽlpextétamo apyagqaxkatakxa axta, ekhem nueve ektéma axta once apyeyam cuatro pelten apteme wesse' apwányam ma'a Sedequías,

Ezequiel 5:2

Wokmek sa' agkok néxa apwakhamap ma'a tegma apwányam, elwet sa' ektáhakxa nak ántánxo apkelyaqténma apwa' m'a nepyeseksa nak tegma apwányam; tén sa' natámen emok xama sawo, elyaqtennagkok nahan nepyáwa tegma apwányam ma'a mók nak apnegkenma apkelyaqténma m'a apwa', keñe sa' ma'a éleymomáxche nak, ekxák néten elchampaksek. Axog sa' ko'o neptámen ma'a énxet'ák apheykha nak tegma apwányam, yetlo sekmeykha sókwenaqte.

Daniel 11:17

Elánekxak sa' nahan aptamhágkaxa yaqwayam emok ma'a ekyókxoho xapop nak nepyeyam; elának sa' ekhémo mók apkelpaqhetchásamákpoho m'a wesse' apwányam nak, egkések sa' han apketche kelwána yaqwayam etnehek aptáwa', ekxeyenma eykhe apwáxok emasséssók ma'a aptémakxa nak wesse' apwányam, megkatyepek sa' eyke yaqwánxa etnehek.

Isaías 22:7

Sawhékxók yátnáxeg apkelyenyawasso m'a ekyókxoho nak xóp élyapwate apagkok éltaqmalma agko' nak, keñe yátnáxeg apkelchánte apketámegko m'a apátog nak tegma apwányam.