Éxodo 5:21 - Biblia Enxet

²¹ Aptáhak axta apkeláneya s'e: —Wesse' egegkok sa' étak aqsok kéllánéyak kéxegke, tén sa' ellegássesagkoho'. Kéxegke keñamak sẽltaqnaweykegko negko'o m'a faraón tén han ma'a apkeláneykha nak. Kéxegke kélagko' nahan kélmeyásegkok sókwenaqte yaqwayam negko'o hẽlnápok.

Éxodo 5:21 Referans Kwoze

Génesis 34:30

Keñe axta Jacob aptáha apkeláneya Simeón tén han Leví s'e: —Asagkek kéxegke sélteméssesakxa'. Hetaqnók sa' ko'o kaxwók énxet'ák apheykha nak se'e yókxexma nak, cham'a cananeos, tén han ferezeos. Épetchekxak sa' pók hénmexek ko'o, tén sa' hektámegma', heyaqhek sa' ko'o tén han ma'a ekheykha nak exagkok, hakte apqántawok ko'o énxet'ák ahagkok.

1 Crónicas 19:6

Apyekpelcheyk axta amonitas aplawa m'a David, tén axta Hanún tén han amonitas apkeláphasa treinta y tres mil kilos selyaqye yaqwayam eyánmagkasek ma'a yátnáxeg apyenyawasso apkenchesso nak kempakhakma, keñe han ma'a énxet'ák apkelchánte nak yátnáxeg apkeleñama m'a Mesopotamia, Siria, Maacá tén han Sobá,

2 Samuel 10:6

Apyekpelcheyk axta amonitas aplawa m'a David, yetlókok axta aptegye ekha ekyánmaga veinte mil sẽlpextétamo sirios apkeleñama m'a Bet-rehob tén han ma'a Sobá, keñe axta han mil énxet'ák ma'a wesse' apwányam Maacá axta apagkok, keñe doce mil énxet'ák apkeleñama m'a Is-tob.

1 Samuel 27:12

Axta ey'ásseykmok Aquís ma'a David, tén axta ektéma apwáxok se'e: “Aptaqnómap apagko' kaxwók aptemék David ma'a Israel, etnehek sa' chá'a séláneykha meyke néxa'.”

1 Samuel 13:4

Apkelleg'ak axta apyókxoho israelitas apmasséssekmo Saúl ma'a sẽlpextétamo filisteos, axta keñamak apkeltaqnaweykegkoho apagko' israelitas ma'a filisteos, apchaqnákxeyk axta sẽlpextétamo yetlo Saúl ma'a Guilgal.

Éxodo 6:9

Apkelánekxók axta eykhe apkeltennasso Moisés israelitas xa amya'a nak, maxta eyke elyahakxoho', hakte apkelháxexchagweykmók apagko' axta eñama ekyentaxno agko' kélásenneykha naqsa.

Génesis 16:5

Tén axta Sarai ektáha eyáneya Abram se'e: —¡Xeyep keñamak sewañeyncha'a ko'o m'a Agar! Ko'o ahagko' axta nahan sekmésso yaqwayam etnehek aptáwa', keñe kaxwók peya kótak xama étche, sewañeyncha'a ko'o. Wesse' egegkok sa' exének, yaqsa eksexnánémaxche', xeyep, essenhan ko'o.

Joel 2:20

Amenxenchesek sa' kéxegke m'a sawa' apkeleñama nak nexcheyha, yókxexma meykexa énxet sa' akxakhagwók. Alweykesagkok sa' kañe' Wátsam Ekwányam Étsapma m'a apkelxegáyam nak apmonye'e, tén sa' ma'a apkelxegáyam nak axayo', alweykesagkok ma'a wátsam ekwányam Mediterráneo, kaltepelchexchek sa' apkelyókxa', kaltahápok sa' nahan. ¡Alának sa' ko'o ekyawe agko' aqsok!”

Eclesiastés 10:1

Ethápok chá'a xama yápa aphápak, emasseksohok chá'a ekpaqneyam sokmátsa ekmátsa nak ekpaqneyam. Ñohok agko' chá'a kahaxnaxkohok ma'a amya'a ekyeyháxma mékoho nak, megkaxnawok ma'a negya'áseykegkoho nak aqsok ekpayhawo nak eykhe kóláwho'.

Éxodo 14:11

Keñe axta kéltáha kéláneya Moisés s'e: —¿Mékoya takhaxpop Egipto, cham'a sẽlántekkesakxa axta apkeltamho nak negko'o agmassegwak se'e yókxexma meykexa nak énxet? ¿Yaqsa ektáha senteméssesa nak xa ektáha nak? ¿Yaqsa ektéma sẽlántekkessama nak Egipto?

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Génesis 31:53

Dios apagkok nak ma'a apyáta' Abraham tén han áta' nak ko'o Nahor, sa' etnehek segyekpelchémo negyeseksa negko'o. —Tén axta Jacob apmésa appeywa m'a Dios, apkelpeykessamo axta chá'a m'a apyáp Isaac.

Éxodo 5:20

Xama axta apkelántepa natámen apkelpaqhetchásamákpoho m'a faraón, apkelwet'ak axta apchaqnáncha'a Moisés tén han Aarón apkelhaxna.

Éxodo 15:24

Apcheynawók axta nahan apkelpaqméteyncha'a ekmaso énxet'ák apxéna m'a Moisés. Aptáhak axta apkelmaxneyáncha'a s'e: “¿Yaqsa sa' agyenagkok?”

Éxodo 16:2

Apyókxoho israelitas axta nahan apcheynawok apkelpaqméteyncha'a apxéna ekmaso Moisés tén han ma'a Aarón, cham'a yókxexma meykexa nak énxet.

Números 14:3

¿Yaqsa kexa ektéma sennaqleykekmo nak Wesse' egegkok se'e apchókxa nak? ¿Yaqwayam agmaskok kempakhakma enxeykel'a essenhan yaqwayam elmok ennaqteyegka'a tén han egketchek ma'a sẽlenmexma nak? ¡Tásek óltaqhohok makham ma'a Egipto!”

Números 14:22

Métyehek sa' xama enxoho xapop séltennassamakxa axta ko'o agkések apyapmeyk nano', cham'a apkelwete axta chá'a élseyéxma ahagkok tén han aqsok sempelakkasso nak agweta' séláneya axta chá'a ko'o m'a Egipto tén han ma'a yókxexma meykexa nak énxet, cham'a ekxámokma axta ko'o sépkeynma m'a yókxexma meykexa nak énxet, melyaheykekxa axta chá'a séltémókxa etnahagkok. Métyehek sa' xama enxoho m'a sewanyeykha nak chá'a ko'o.

Isaías 30:6

Aqsok kélnaqtósso élxénamaxche', élleykha nak ma'a Négueb: Apkelpeywomók chá'a apkelmeyeykekxo Egipto apkelpátegkessama yámelyeheykok tén han yányátnáxeg apkelseykekxo aqsok élmomnáwa apagkok tén han mók aqsok apagkok israelitas ma'a yókxexma, ekxámokmakxa nak aqsok élmasagcha'a, élleykegkaxa nak ma'a méwa élyexweyweykegkól'a, tén han ma'a yéwa, tén han ma'a yéwa ekwányam élchampayól'a, apheykegkaxa nak ma'a énxet'ák mékcha'awo,