Éxodo 35:5 - Biblia Enxet

⁵ Kólánchesha sa' kélnepyeseksa kéxegke aqsok kélmésso naqsa kélagkok yaqwayam kólmések ma'a Wesse' egegkok. Sawo ekyátekto ekmomnáwa, tén han sawo ekmope ekmomnáwa, tén han sawo ekyexwase sa' nahan chá'a esanták apyókxoho m'a ektáhakxa nak chá'a apmáheyo apagko' egkések aqsok apmésso naqsa m'a Wesse' egegkok, tén han ma'a ekxeyenma agko' nak chá'a apwáxok egkések,

Éxodo 35:5 Referans Kwoze

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Jueces 5:9

“¡Ekméssek ko'o ekxeyenma ewáxok ma'a apkelámha apmonye'e apancha'awo nak ma'a Israel, tén han ma'a sekhawóxama nak, ektáha axta apkelyeheykekxoho kéláneyeykha, yaqwayam yempakha'! ¡Kóltemésses sa' kélyókxoho apcheymákpoho Wesse' egegkok!

Éxodo 25:1

Appaqhetchessek axta Wesse' egegkok Moisés. Aptáhak axta apcháneya s'e:

Éxodo 35:4

Apkelpaqhetchessek axta Moisés apyókxoho israelitas. Aptáhak axta apkeláneya s'e: “Keso apkeltamho exchek kalanaxchek Wesse' egegkok se'e:

Éxodo 35:6

tén han ma'a apáwa napwa'a apyápaqmate, hómáyok tén han ma'a apyexwase, tén han ma'a apáwa apkeláxñe apkexyawel'a, tén han ma'a yát'ay apwa',

Éxodo 35:21

tén axta m'a apyókxoho ektáha axta chá'a ekxeyenma apwáxok elmések aqsok, apkelya'aweykteyk axta chá'a yetlo apkelseykenta aqsok apkelmésso naqsa m'a Wesse' egegkok, yaqwayam enxoho elanakpok ma'a kélpakxanma apchaqneykekxexa nak chá'a énxet'ák tén han ma'a ekyókxoho aqsok eyéméxchexa nak chá'a, tén han ma'a apáwa apkeltaqmalma apagko' nak.

2 Reyes 12:4

Xama ekhem axta aptáha apkeláneya Joás ma'a apkelmaxnéssesso Dios énxet'ák apagkok: —Kólánchásekxa sa' kéxegke ekyókxoho selyaqye eknegkenamaxche nak chá'a kélmésso naqsa Wesse' egegkok, kélseykenta nak chá'a m'a tegma appagkanamap apagkok, kólmok sa' chá'a m'a ekwánxa enxoho apkelánémakpexa nak chá'a eyánmagkasek xama énxet, tén han ma'a ekyókxoho aqsok kélmésso naqsa apseykenta apagko' nak chá'a xama énxet ma'a Wesse' egegkok tegma appagkanamap apagkok. Kólmaxna sa' chá'a m'a apkeltaqmelchesso nak selyaqye, yaqwayam sa' kóllánekxak eyeyméxchexa enxoho chá'a m'a tegma appagkanamap.

2 Crónicas 29:31

Tén axta Ezequías aptáha apkeláneya énxet'ák se'e: “Kélpagkanchásexcheyk kaxwók kéxegke Wesse' egegkok, kólyepetchegwatámho sa' kaxwo', kólsantagkas sa' han aqsok kélnapma, tén han aqsok kélmésso naqsa ekxeyenma nak kélwáxok ma'a Wesse' egegkok tegma appagkanamap apagkok.” Apkelsákxeyk axta énxet'ák ma'a apnaqtósso apkelnapma, tén han aqsok apkelmésso naqsa ekxeyenma nak apkelwáxok, keñe axta m'a apmáheyo apagko' nak chá'a elanagkok, apkelmésa m'a aqsok apkelwatno.

Éxodo 35:29

Apkelsántegkessek axta aqsok apmésso naqsa apagkok ekxeyenma agko' nak chá'a apkelwáxok yaqwayam egkések Wesse' egegkok ma'a apyókxoho israelitas ekweykekxoho m'a kelán'ák, cham'a apmáheyo axta chá'a epasmok apkelánéyák ma'a aqsok apkeltémo axta elának Wesse' egegkok ma'a Moisés.