Éxodo 35:22 - Biblia Enxet

²² Apkelxegakmek axta énxet tén han kelán'a, apkelsókmek axta apyókxoho apmáheyo apagko' nak chá'a egkések tén han ekmáheyo agko' nak chá'a apwáxok egkések ma'a yánsóketáma', kélatchesso kélaphék, sawo élyaqye, kélchenméhe sawo ekyátekto ekmomnáwa, tén han ma'a ekyókxoho mók ektémakxa nak chá'a aqsok étkók éltaqmalma sawo ekyátekto élmomnáwa. Xama xama axta chá'a apsókmok ma'a aqsok apmésso naqsa apagkok ektaqmalma sawo ekyátekto ekmomnáwa, apkelmésso chá'a m'a Wesse' egegkok.

Éxodo 35:22 Referans Kwoze

Ezequiel 16:11

ekwakhéssek axta sélnáxegkáseyncha'a m'a aqsok étkók éltaqmalma élmomnáwa, élatchessessek axta nahan naxta'a amék ma'a eknegkenma nak chá'a amék élyenma tén séxenchesa nahan ayespok ma'a xama eknatanma;

Isaías 60:13

Aptáhak apkeláneya Wesse' egegkok énxet'ák Jerusalén se'e: “Kólsókásegmak sa' kéxegke m'a aqsok élmomnáwa ekxámokma éleñama nak Líbano: cham'a yámet pino, abeto tén han ma'a yámet ciprés, yaqwayam sa' kataqmelchesek ma'a tegma appagkanamap ahagkok nak, yaqwayam sa' katnéssesek eyeymáxkoho m'a sekhamakxa nak chá'a.

Isaías 60:9

Yántakpayhe xa élmeyókmo nak kélhágkaxa, Tarsis yántakpayhe élyawe m'a élámha amonye'e nak élxegayam, makhawók apkelenyekták eknaqlántegkesa m'a énxet'ák kélagkok, yetlo m'a sawo ekyátekto élmomnáwa apagkok tén han ma'a sawo ekmope élmomnáwa, eñama m'a Wesse' kélagkok, Dios Aptaqmalma nak ma'a Israel, apteméssessama nak kéleymáxkoho.

Isaías 3:19

tén han ma'a élchenméhe nak, tén han ma'a eknegkenma nak chá'a amék, tén han ma'a éláhakkasso nak chá'a naqta'a apáwa apkelexyawe,

Números 31:50

Nélsántegkessek negko'o exchep se'e aqsok sawo ekyátekto élmomnáwa nak, apkelméyak axta chá'a negko'o enxama: Nennaqtete egaktegák, nennegkenma egmék, kélatchesso kélaphek, kélchenméhe, tén han ma'a mók aqsok nélnáxameykha nak, yaqwayam ólmések negko'o m'a Wesse' egegkok, ekyaqmageykekxa negmowána ólweynchamha makham.”

Éxodo 32:3

Sawhéxkók axta nahan élhaxyawásegko ma'a élchenméhe sawo ekyátekto élmomnáwa élatchesso axta chá'a m'a aheyk'ák, tén axta kélsákxésa m'a Aarón.

Éxodo 32:2

Aptáhak axta apchátegmowágkokxo Aarón se'e: —Kólhaxyawássesák sa' élchenméhe kélnaqteyegka'a sawo ekyátekto élmomnáwa, tén han kélketchek apkelennay'a, kelwán'ák, cham'a élatchesso nak chá'a aheyk'ák, hélsantagkas sa' se'e.

Éxodo 35:21

tén axta m'a apyókxoho ektáha axta chá'a ekxeyenma apwáxok elmések aqsok, apkelya'aweykteyk axta chá'a yetlo apkelseykenta aqsok apkelmésso naqsa m'a Wesse' egegkok, yaqwayam enxoho elanakpok ma'a kélpakxanma apchaqneykekxexa nak chá'a énxet'ák tén han ma'a ekyókxoho aqsok eyéméxchexa nak chá'a, tén han ma'a apáwa apkeltaqmalma apagko' nak.

Éxodo 35:23

Tén axta m'a aphakxa nak chá'a apáwa napwa'a apyápaqmate, hómáyok, apyexwase, tén han ma'a apáwa apkeláxñe apkexyawe nak, tén han ma'a yát'ay apwa', tén han ma'a nepkések apkennawók apyempehek kélyexwásesso nak ekyexwase, tén han ma'a aqsok émpe'ék élexyawél'a apkelsókmo chá'a.

2 Reyes 12:4

Xama ekhem axta aptáha apkeláneya Joás ma'a apkelmaxnéssesso Dios énxet'ák apagkok: —Kólánchásekxa sa' kéxegke ekyókxoho selyaqye eknegkenamaxche nak chá'a kélmésso naqsa Wesse' egegkok, kélseykenta nak chá'a m'a tegma appagkanamap apagkok, kólmok sa' chá'a m'a ekwánxa enxoho apkelánémakpexa nak chá'a eyánmagkasek xama énxet, tén han ma'a ekyókxoho aqsok kélmésso naqsa apseykenta apagko' nak chá'a xama énxet ma'a Wesse' egegkok tegma appagkanamap apagkok. Kólmaxna sa' chá'a m'a apkeltaqmelchesso nak selyaqye, yaqwayam sa' kóllánekxak eyeyméxchexa enxoho chá'a m'a tegma appagkanamap.

2 Crónicas 29:31

Tén axta Ezequías aptáha apkeláneya énxet'ák se'e: “Kélpagkanchásexcheyk kaxwók kéxegke Wesse' egegkok, kólyepetchegwatámho sa' kaxwo', kólsantagkas sa' han aqsok kélnapma, tén han aqsok kélmésso naqsa ekxeyenma nak kélwáxok ma'a Wesse' egegkok tegma appagkanamap apagkok.” Apkelsákxeyk axta énxet'ák ma'a apnaqtósso apkelnapma, tén han aqsok apkelmésso naqsa ekxeyenma nak apkelwáxok, keñe axta m'a apmáheyo apagko' nak chá'a elanagkok, apkelmésa m'a aqsok apkelwatno.

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.