Éxodo 35:21 - Biblia Enxet

²¹ tén axta m'a apyókxoho ektáha axta chá'a ekxeyenma apwáxok elmések aqsok, apkelya'aweykteyk axta chá'a yetlo apkelseykenta aqsok apkelmésso naqsa m'a Wesse' egegkok, yaqwayam enxoho elanakpok ma'a kélpakxanma apchaqneykekxexa nak chá'a énxet'ák tén han ma'a ekyókxoho aqsok eyéméxchexa nak chá'a, tén han ma'a apáwa apkeltaqmalma apagko' nak.

Éxodo 35:21 Referans Kwoze

Éxodo 25:2

“Eltennasák sa' israelitas, heyánchessesha sa' ko'o aqsok apmésso naqsa apagkok. Sa' eyke yánchásekxak aqsa nepyeseksa m'a apyókxoho apmáheyo apagko' nak chá'a egkések, tén han ma'a ekmáheyo agko' nak chá'a apwáxok.

1 Crónicas 29:14

¡mowanchek ko'o almések ekxámokma aqsok ahagkok, mopwancha'ak han énxet'ák ahagkok nak! Hakte xép keleñamak xa ekyókxoho aqsok nak, wánxa egwanchek ólmések ma'a xeyep nak chá'a sẽlmésso.

Éxodo 35:29

Apkelsántegkessek axta aqsok apmésso naqsa apagkok ekxeyenma agko' nak chá'a apkelwáxok yaqwayam egkések Wesse' egegkok ma'a apyókxoho israelitas ekweykekxoho m'a kelán'ák, cham'a apmáheyo axta chá'a epasmok apkelánéyák ma'a aqsok apkeltémo axta elának Wesse' egegkok ma'a Moisés.

Éxodo 35:26

tén ma'a kelán'ák élmowancha'a axta kalanagkok ma'a aqsok, cham'a élmáheyo axta kalanagkok, kelpexyeynchámeygkek axta m'a yát'ay apwa'.

Éxodo 35:5

Kólánchesha sa' kélnepyeseksa kéxegke aqsok kélmésso naqsa kélagkok yaqwayam kólmések ma'a Wesse' egegkok. Sawo ekyátekto ekmomnáwa, tén han sawo ekmope ekmomnáwa, tén han sawo ekyexwase sa' nahan chá'a esanták apyókxoho m'a ektáhakxa nak chá'a apmáheyo apagko' egkések aqsok apmésso naqsa m'a Wesse' egegkok, tén han ma'a ekxeyenma agko' nak chá'a apwáxok egkések,

Éxodo 36:2

Apkelwóneyha axta Moisés ma'a Besalel tén han Oholiab, tén han ma'a apyókxoho ekyetnamakxa axta chá'a apmopwancha'a elanagkok ma'a aqsok, cham'a ektáha axta Wesse' egegkok apkelmésso apmopwancha'a elanagkok xa ektéma nak aqsok, tén han ma'a ektáha axta apmáheyo apagko' chá'a epasmok xa nentamheykha nak.

Éxodo 35:22

Apkelxegakmek axta énxet tén han kelán'a, apkelsókmek axta apyókxoho apmáheyo apagko' nak chá'a egkések tén han ekmáheyo agko' nak chá'a apwáxok egkések ma'a yánsóketáma', kélatchesso kélaphék, sawo élyaqye, kélchenméhe sawo ekyátekto ekmomnáwa, tén han ma'a ekyókxoho mók ektémakxa nak chá'a aqsok étkók éltaqmalma sawo ekyátekto élmomnáwa. Xama xama axta chá'a apsókmok ma'a aqsok apmésso naqsa apagkok ektaqmalma sawo ekyátekto ekmomnáwa, apkelmésso chá'a m'a Wesse' egegkok.

Jeremías 30:21

Nepyeseksa sa' nahan yeñék etyapok apkemha apmonye' apagkok: etyapok sa' xama nepyeseksa yaqwayam etnehek apkeltaqmelchesso. Wának sa' ko'o hépetchegwoho', hakte, ¿yaqsa megkeygwakxeyk hépetchegwohok ko'o? Énxet'ák ahagkok sa' ko'o atnehek ma'a, keñe sa' ko'o etnehek Dios apagkok. Ko'o sekxeyenma xa, sektáha nak Wesse'.”

Proverbios 4:23

Elanagkoho chá'a élchetámeykha apwáxok, hakte cháxa éñamakxa ekyennaqte nak egnények xa.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Esdras 7:27

Yetlókok axta han apteme apkelmaxnagko Esdras se'e: “Apcheymákpoho sa' chá'a kólteméssesek Wesse' egegkok, Dios apagkok nak ma'a ẽlyapmeyk, hakte appaknegkessekmók apwáxok wesse' apwányam apteméssesa xa ektáha nak, apmésa yaqwayam etnehek apcháyo m'a Wesse' egegkok nak tegma appagkanamap apagkok, apyetnama nak Jerusalén,

1 Crónicas 29:9

Kelpayhékxók agko' axta apkelwáxok énxet'ák nak, hakte axta elmeyágweykxak aqsok apagkok apkelmésa m'a Wesse' egegkok, yetlo éltaqmeleykha apkelwáxok. Payhékxók agko' axta han apwáxok ma'a wesse' apwányam David.

1 Crónicas 29:3

Élméssek han ko'o sawo ekyátekto élmomnáwa tén han sawo ekmope élmomnáwa ektáha nak ko'o ahagkok ahagko', eñama seyásekhayo m'a Dios ahagkok nak tegma appagkanamap apagkok:

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

1 Crónicas 28:2

Apkempákxeyk axta néten David aptáha appaqmeta s'e: “Kóleyxho sekpeywa, énámakkok tén han énxet'ák ahagkok: Xeyenmeyk axta ko'o ewáxok alanaksek xama tegma yaqweykenxa keytek meyke néxa m'a yántéseksek ekhémo mók nélpaqhetchásamáxkoho Wesse' egegkok, yaqwayam enxoho etnehek aphamakxa m'a Dios egagkok nak, ekpenchessegkek axta han séláneykekxa yaqwayam elanakpok.

2 Samuel 7:27

Xép Wesse' ekha apyennaqte, ey'assásegwokmek peya etnéssesagkok chá'a apkelwesse'e m'a étawán'ák netámen nak ko'o; cháxa keñamak magwaka nak sektáha sélmaxnagko xa, ko'o sektáha nak apkeláneykha.

Jueces 5:12

“¡Kaxatakha', Débora, kaxatakha' kanneykmés xama negmeneykmasso! ¡Etnemekxa néten Barac, Abinóam nak apketche, enaqlakxa énxet'ák apkelma!

Jueces 5:9

“¡Ekméssek ko'o ekxeyenma ewáxok ma'a apkelámha apmonye'e apancha'awo nak ma'a Israel, tén han ma'a sekhawóxama nak, ektáha axta apkelyeheykekxoho kéláneyeykha, yaqwayam yempakha'! ¡Kóltemésses sa' kélyókxoho apcheymákpoho Wesse' egegkok!

Jueces 5:3

¡Kóleyxho sekpeywa kéxegke kelwesse'e apkelwányam nak! ¡Kóleyxho sekpeywa kéxegke kéltaqmelchesso nak kélókxa! ¡Anneykmássesek sa' ko'o Wesse' egegkok!, ¡anneykmássesek sa' ma'a Dios apagkok nak Israel!

Éxodo 35:20

Apkeltaqháwók axta apyókxoho israelitas,

1 Crónicas 29:8

Keñe han ma'a ekhakxa axta chá'a meteymog élyenma éltaqmalma, apkelmésa chá'a m'a ektáha axta apkeltaqmelchesso aqsok ma'a tegma appagkanamap nak, cham'a Jehiel, Guersón axta aptáwen neptámen.

Esdras 2:68

Yetneyk axta han pók xama chá'a apkelámha apmonye'e nak aphawóxama, apkelmésso chá'a aqsok apkelmésso naqsa yaqwayam kólxátekhásekxak makham Dios tegma appagkanamap apagkok ma'a nanók apyetnamakxa axta, cham'a sekxók apkelwákxo axta m'a Jerusalén, Wesse' egegkok nak tegma appagkanamap apagkok.