Éxodo 34:22 - Biblia Enxet

²² “Kóllána chá'a kélessawássessamo ekhem eknakxamáxchexal'a chá'a aqsok ekyexna Semána, cham'a apkemha amonye' nak apnakxamákpexa m'a hótáhap apaktek, tén han ma'a aqsok eknakxamáxchexal'a chá'a ekyexna néxa apyeyam.

Éxodo 34:22 Referans Kwoze

Éxodo 23:16

“Kóllána sa' nahan kélessawássessamo kélnakxamakxa nak ekyexna aqsok kélcheneykekxa, cham'a kélnakxa enxoho m'a émha amonye' ekyexna nak aqsok kélcheneykekxa namyep, ekhawo nahan ma'a kélessawássessamo nak chá'a eknakxamáxche ekyexna aqsok ma'a néxa apyeyam, cham'a kélsawha enxoho chá'a kélnakxo ekyókxoho m'a kélcheneykekxa nak chá'a aqsok.

Éxodo 23:14

“Kóllána sa' chá'a ántánxo kélessawássessamo xama apyeyam ekxénweykekxoho kélwáxok ko'o.

Levítico 2:12

Kélwanchek eykhe kólmések kempáseyak tén han yányawhéna' apyegmenek Wesse' egegkok, kélteméssessamól'a m'a kélmésso naqsa nak émha amonye' ekyexna aqsok kélcheneykekxa, eyke nágkólmes ma'a élwatnamáxchexa nak aqsok, yaqwayam enxoho katnehek ekmátsa nak ekpaqneyam etekhánek Wesse' egegkok.

Números 29:1

“Kóllának sa' kéxegke kélaqneykekxa kélpeykessamókxa nak Wesse' egegkok eyeynókxa nak ekxega émha amonye' ekhem pelten siete. Megkóllanyek sa' kéltamheykha xama enxoho xa ekhem nak, kólpáwaksek sa' kélaqkahasso.

Deuteronomio 16:9

“Yeyk'ak sa' agkok siete semána, eyeynamo m'a sekxók axta kélnakxama m'a hótáhap apaktek,

2 Crónicas 8:13

cham'a ekhem ekwákxo enxoho chá'a apwatnéssamakxa, ekhawo ektémakxa nak Moisés segánamakxa apagkok, cham'a ekhem sábado, tén han kélessawássessamókxa nak pelten aphaxnagkok, keñe han ántánxo kélessawássessamo nak chá'a élánamáxche ekyókxoho apyeyam: cham'a pán meyke nak kempáseyak, tén han ma'a semána nak, keñe han ma'a ekhem kélpakxeneykegkaxal'a yenta'a aktegák étkók.

Levítico 23:15

“Kéméxcheyk kólleyxek siete semána, natámen enxoho kélseykekxa kéxegke m'a hótáhap kélyaqténma kéltéteykekxa kélteméssesso nak aqsok kélmésso naqsa ektaqmela, cham'a natámen nak néllókassamakxa nélyampe.

Levítico 23:34

“Etne sa' elának israelitas se'e: Kalanaxchek sa' chá'a kélessawássessamo kélpakxeneykegkaxa yenta'a aktegák étkók, megkólwagqayam Wesse' egegkok, ekhem quince, pelten siete,