Éxodo 32:33 - Biblia Enxet

³³ Apchátegmowágkokxeyk axta m'a Wesse' egegkok. Aptáhak axta apcháneya s'e: —Sa' eyke aqsa amasséssesek ko'o apwesey weykcha'áhak ahagkok ma'a énxet apkelane nak mey'assáxma nahaqtók ko'o.

Éxodo 32:33 Referans Kwoze

Ezequiel 18:4

Ko'o sekteme ahagkok ma'a apyókxoho énxet, cham'a apyapmeyk nak tén han ma'a apketchek nak. Apkelanak agkok mey'assáxma xa, yetsapok sa'.

Salmos 69:28

¡Emassés apkelwesey m'a weykcha'áhak eknaqtáxésamaxchexa nak apkelwesey m'a élyennaqte nak apnegya'ák! ¡Ná enaqtáxéssesák apkelwesey m'a ekheykegkaxa nak apkelwesey m'a énxet'ák apkelpéwomo!

Deuteronomio 29:20

Melásekhekxók sa' nahan ma'a Wesse' egegkok, eltaqnaweygkok sa' aqsa xa énxet'ák nak, káhapwaták sa' ekyókxoho m'a ekmaso nak negha ekxeyenma nak ekpeywa s'e weykcha'áhak nak, emasséssessók sa' nahan Wesse' egegkok apheykha náxop ma'a aptawán'ák neptámen nak.

Salmos 9:5

Apkeltaqnaweykegkek ma'a melya'áseyak nak xép, apmassésseykmek xép ma'a élmasagcha'a nak apkeltémakxa, ¡apmassésseykmók apagko' apkelxénamap chá'a!

Levítico 23:30

Apkelanak sa' agkok aptamheykha xama énxet xa ekhem nak, amasséssók sa' ko'o nepyeseksa énxet'ák apagkok.

Éxodo 17:14

Tén axta Wesse' egegkok aptáha apcháneya Moisés se'e: —Etaxés sa' xép xama weykcha'áhak se'e, yaqwayam enxoho kaxénwakxohok chá'a kélwáxok. Eltennés sa' nahan Josué sekmako ko'o amasseksek apyókxoho m'a amalecitas.

Salmos 69:29

Ko'o eyke, hexneyásekxa néten Dios ahagkok, sektáha nak sekháxamáxche', tén han ekyentaxno ewáxok, hewagkas teyp.

Ezequiel 18:20

Sa' eyke aqsa yetsapok ma'a ektáha nak apkelane mey'assáxma. Mopwanchek sa' eyaqmagkassásekxak mók aptémakxa mey'assáxma apyáp ma'a apketche nak, tén han ma'a apyáp nak, mopwanchek sa' eyaqmagkassásekxak mók aptémakxa mey'assáxma m'a apketche nak. Exkak sa' ekyánmaga énxet appéwomo eñama m'a aptémakxa ekpéwomo; keñe sa' ma'a ekmaso nak aptémakxa, kóllegássesagkohok sa' eñama m'a aptémakxa ekmaso.