Éxodo 32:12 - Biblia Enxet

¹² ¿Yaqsa ektáha apkeltamho nak yohok etnehek exének egipcios se'e: ‘Apkelántekkessegkek Dios yetlo ekmaso élchetamso apwáxok apmáheyo elnáhapwók ma'a neyseksa meteymog élekhahéyak nak, yaqwayam emasseksek apkelweynchámeykha keso náxop’? Elwatés aplo; elwatés ma'a apmakókxa nak etnéssesek ekmaso m'a énxet'ák apagkok.

Éxodo 32:12 Referans Kwoze

Deuteronomio 9:28

yaqwayam sa' megkatnehek amya'a ólxénaxchek yókxexma sẽlántekkessamakxa axta s'e: Mopwanchek apmáheyo elántaxnések Wesse' egegkok ma'a apchókxa apkeltennassamakxa axta chá'a, apkelántekkessegkek yaqwayam elnáhapwók ma'a meykexa nak énxet, hakte apkeltaqnagkamche'.

Josué 7:9

Ellegak sa' amya'a ektáhakxa m'a cananeos, tén han ma'a apyókxoho apheykha nak ma'a yókxexma, keñe sa' epaxqeykxak ma'a nélenmexma nak, hegketámegmak sa'; hensawhohok sa' han hẽlnápok. ¿Háxko sa' etnehek xeyep megyohók kólwanyohok ma'a apwesey nak?

Éxodo 32:14

Apkelwátessek axta nahan apmakókxa etnéssesek ekmaso énxet'ák apagkok ma'a Wesse' egegkok.

Zacarías 8:14

Keso aptáhakxa nak appeywa Wesse' ekha nak apyennaqte s'e: “Xeyenmeyk axta ko'o ewáxok allegássesagkohok kélyapmeyk nano' axta kéxegke, cham'a selókassama axta, axta nahan alwátesseykmok yaqweykenxa atnéssesek.

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”

Amós 7:6

Tén axta Wesse' egegkok apmágwokmo yaqwánxa etnehek, axta aptáhak se'e: —¡Megkatnehek sa' nahan xa!

Amós 7:3

Tén axta Wesse' egegkok apmágwokmo yaqwánxa etnehek, axta aptáhak se'e: —¡Megkatnehek sa' xa!

Ezequiel 20:22

ekmágweykxeyk axta eyke sekmako atnehek eñama sekmasma m'a sekwesey, yaqwayam enxoho mehexénmakha ekmaso m'a énxet'ák ektáha axta apkelweteykegkoho sektáhakxa sélántekkesa m'a Egipto.

Ezequiel 20:14

Sekmasma sekwesey axta eyke keñamak malana xa, yaqwayam enxoho mehexénmakha ekmaso m'a énxet'ák apweteykegkoho axta ektáhakxa sélántekkesa m'a Egipto.

Ezequiel 20:9

Éláneyak axta ko'o xa, eñama sekmasma m'a sekwesey, yaqwayam enxoho maxénaxchék ekmaso nápaqta'awók ma'a énxet'ák, cham'a kañe' apheykegkaxa nak, hakte ekxekmowásamáxkók axta ko'o nápaqta'awók xa énxet'ák nak, éltennassegkek axta nahan alántekkesek ma'a Egipto.

Salmos 106:45

xénweykekxók axta apwáxok ma'a ekhémo mók apkelpaqhetchásamákpoho apkelánesso axta, tén axta apyaqmagkasa yaqwánxa etnehek, hakte awanhók agko' ma'a segásekhayo nak:

Salmos 90:13

Wesse', ¡henlano makham negko'o! ¿Háxko sa' ekwánxa nélhaxanma? ¡Hẽlayósho negko'o henlano' nentáha nak xép apkeláneykha!

Salmos 85:3

Apkelwátessamók agko' aplo, tén han apkeltaqnawéyak énxet'ák apagkok.

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Salmos 74:18

Wesse', kaxénwakxoho apwáxok aplókassama exchep ma'a apkelenmexma nak, tén han apxéneykencha'a chá'a ekmaso m'a énxet'ák élyeyháxma nak.

Esdras 10:14

Tásek eyke ko'óneyk elhekxak apkelámha apmonye'e egagkok nak negko'o s'e, yaqwayam enxoho henlánekxések negko'o amya'a, keñe sa' apyókxoho apheykha nak tegma apkelyawe egagkok, tén han apkelméyak nak kelán'ák megkatnaha nak apkelpeywomo xamo', elmeyenták ekhem ekxénáxchexa enxoho, yetlo apkelxegexma'a m'a apkelámha apmonye'e nak chá'a tegma apwányam apagkok, tén han ma'a énxet'ák segyekpelchémo, ekwokmoho ekmassa sẽltaqnawéyak negko'o m'a Dios egagkok, eñama nenlane xa.

Josué 7:26

Keñe han kéláhakkáseykxo ekxámokma agko' ma'a meteymog, makhemek makham émha xa meteymog nak. Cháxa keñamak ektéma nak makham ekwesey yókxexma ekyapwate Acor ma'a. Tén axta ekmassa apkeltaqnawéyak Wesse' egegkok ma'a énxet'ák Israel.

Deuteronomio 32:36

“Epasmok sa' énxet'ák apagkok Wesse' egegkok ma'a apwet'a sa' ekmassa apkelyenna. Apyósekak sa' elanok apkeláneykha Wesse' egegkok ma'a apwet'a sa' megyeymékpo xama m'a kélásenneykha nak tén han ma'a metnaha nak kélásenneykha,

Deuteronomio 13:17

“Nágkólmekxa aqsa kéxegke xama enxoho m'a aqsok élxénamaxche nak kólmasséssók, keñe sa' meltaqnaweygkehek chá'a kéxegke m'a Wesse' kélagkok; kélyósekak sa' chá'a elano', exámásekxak sa' nahan, ekhawo m'a apkeltennassama axta etnéssesek ma'a kélyapmeyk nanók axta kéxegke,

Génesis 6:6

Chaqhak axta apwáxok apkeláneya énxet, yetlo élapwayam apwáxok axta

Éxodo 33:13

Naqsók sa' agkok xa, héltennés sa' yaqsa apmako elána', yaqwayam sa' atnehek chá'a ko'o seyáyo exchep tén han elenxanmagkohok chá'a apteme ekleklamo ko'o apwáxok. Kaxén apwáxok se'e énxet'ák nak apteme xeyep énxet'ák apagkok.

Números 16:21

—¡Kólántép sa' nepyeseksa xa énxet'ák nak, amasséssók sa' ko'o ekmanyehe agko'!

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.

1 Reyes 8:51

Hakte xép énxet'ák apagkok ma'a, apagkok han; xép axta apkelántekkesso m'a Egipto, ekhémókxa axta táxa axagkok kélpeykeseykekxexal'a sawo.

Jeremías 28:16

Cháxa keñamak aptáha nak appeywa Wesse' egegkok se'e: ‘Wának sa' xép kamassegwók apweynchámeykha keso náxop. Yetsapok sa' xép se'e apyeyam nak, hakte appeywa chá'a exchep keñamak sénmexeykekxo ko'o m'a énxet'ák nak.’

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”

Números 14:19

Elásekhekxoho apkeltémakxa melya'assáxma s'e énxet'ák nak, ekhawo ektémakxa nak ekyawe segásekhayo, hakte apkelásekheykekxók axta chá'a exchep eyeynamo axta m'a Egipto, ekwokmoho apkelwaya s'e yókxexma nak.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!