Éxodo 31:13 - Biblia Enxet

¹³ “Elpaqhetches sa' xeyep apagko' ma'a israelitas; etne sa' elának se'e: ‘Kólteme chá'a kéláyo ekhem ahagkok sábado, hakte cháxa ekteme aqsok magkenatchesso kélnepyeseksa kéxegke xa tén han ko'o xa megkatnégwayam néxa, yaqwayam enxoho kólya'asagkohok ko'o, sektáha nak Wesse', sélyéseykencha'a kéxegke.

Éxodo 31:13 Referans Kwoze

Ezequiel 20:20

kóltemésses nahan chá'a ekpagkanamaxche m'a ekhem ahagkok sábado, yaqwayam sa' katnehek xama aqsok magkenatchesso kélnepyeseksa kéxegke tén han ko'o xa; keñe sa' kólya'ásegwók, sektáha ko'o Dios Wesse' kélagkok.

Ezequiel 20:12

Élya'assásegweykmek axta nahan ma'a ekhem ahagkok sábado, yaqwayam enxoho katnehek magkenatchesso nepyeseksa m'a tén han ko'o xa, tén han ekxénweykekxoho chá'a apkelwáxok ektáha ko'o sekpagkanchesso, ko'o sektáha nak Wesse'.

Levítico 19:30

“Kólteme kéláyo ekhem ahagkok sábado. Kóltaqmelches chá'a m'a sélpeykessamókxa nak chá'a. Ko'o sekteme Wesse'.

Levítico 20:8

Kóllána' m'a segánamakxa ahagkok nak; kólyahakxoho. Ko'o sekteme Wesse', sélpagkanma nak chá'a ko'o kéxegke.

Éxodo 31:17

Katnehek sa' xama aqsok magkenatchesso ekpekkenamaxche nepyeseksa israelitas tén han ko'o xa.” Hakte seis ekhem axta weykmok ko'o sélane m'a néten tén han keso náxop, ko'o sektáha nak Wesse' kélagkok, keñe ekhem siete sélwátéssama sektamheykha, séllókassama sekyampe.

Levítico 19:3

“Kólyahakxoho chá'a kélyáp, tén han egken. “Kólteme han chá'a kéláyo sábado ahagkok. Ko'o sekteme Dios Wesse' kélagkok.

Ezequiel 44:24

Sa' etnahagkok chá'a apkelyekpelchémo, ekyetnakxa enxoho chá'a apkelátegmómap énxet xa, exnéshok sa' nahan chá'a apkelyekpelchémo m'a ekhawo ektémakxa nak ma'a segánamakxa ahagkok. Elanagkok sa' ekyókxoho m'a segánamakxa ahagkok tén han ma'a nélxekmowásamáxche ekxeyenma nak ekyókxoho m'a ekhem ahagkok sélsawássessamókxa nak chá'a, ekhem élpagkanamaxchexa sa' etnéssesek ma'a ekhem ahagkok sábados.

Ezequiel 37:28

Apyetneyk sa' agkok meyke néxa tegma appagkanamap aptaqmalma ahagkok nepyeseksa m'a, elya'ásegwók sa' sélyéseykencha'a ko'o Israel ekpagkanamaxchexa ahagkok ma'a ekyókxoho apheykegkaxa nak chá'a pók aptémakxa énxet'ák.’”

Nehemías 9:14

Apkelxekmóssegkek axta han ektémakxa nempagkanchesso m'a ekhem sábado, apméssegkek axta apkeltémókxa nak antéhek, tén han nélxekmowásamáxche ekmámnaqsoho, tén han segánamakxa, tén han nélxekmowásamáxche apchásenneykekxo axta m'a apkeláneykha Moisés.

Levítico 26:2

Kóláwho chá'a ekhem ahagkok sábado, kóláwho chá'a m'a sélpeykessamókxa nak chá'a: ko'o sekteme Wesse'.

Levítico 23:3

“Kóltemeykha sa' chá'a ekweykmoho seis ekhem, keñe sa' siete ekhem, megkóllañehek chá'a xama enxoho kéltamheykha; katnehek sa' néllókassamakxa nélyampe, kólpeykeshok sa' nahan Wesse' egegkok. Katnehek sa' ekhem kéllókassamakxa kélyampe megkólwagqayam Wesse' egegkok, kélhámxa enxoho chá'a.

Levítico 21:8

Kóltemésses chá'a apkelpagkanamap kélnepyeseksa xa apyókxoho nak, hakte cháxa apkelseykekxésso chá'a kelpasmaga m'a Dios kélagkok. Apkelpagkanamap sa' chá'a etnahagkok kélnápaqta'awók kéxegke, hakte ko'o sekpagkanamaxche', sektáha nak Wesse', ko'o han sekteméssesso apkelpagkanamap.

Levítico 25:2

“Etne sa' elának israelitas se'e: Kélántáxneyk sa' agkok kéxegke m'a xapop sekmáheyo nak ko'o agkések, kóllókassesek sa' ekyampe xapop kélagkok, ekxeyenma kélwáxok ma'a Wesse' egegkok.

Éxodo 31:12

Appaqhetchessek axta Wesse' egegkok Moisés. Aptáhak axta apcháneya s'e:

Deuteronomio 5:12

‘Kaxén sa' kélwáxok ekhem néllókassamakxa nélyampe, yaqwayam kólpagkanchesek ma'a Wesse' egegkok, ekhawo m'a apkeltémókxa axta chá'a kóltéhek ma'a Dios Wesse' kélagkok.

Isaías 56:2

Apkeleñémo énxet apyetlo nak xa segánamakxa nak tén han apkelane nak chá'a yetlo meyke apyenseyam, apcháyo nak chá'a m'a ekhem sábado metwáseykha nak chá'a, apkeláneykegkoho nak chá'a aptáhakxa yaqwayam melanyek xama aqsok ekmaso.”

Jeremías 17:22

Nágkólántekkes han chá'a xama enxoho kélseykha kélxanák ma'a ekhem sábado, nágkóllána han chá'a xama enxoho kéltamheykha. Hélpagkanches chá'a ko'o ekhem sábado, ekhawo séltémókxa axta chá'a ko'o etnahagkok ma'a kélyapmeyk nano' axta.

Amós 8:5

kéxegke kélteme nak chá'a kólpaqmétek se'e: “¿Yaqsa sa' kexaha ekhem esawhakpok pelten aphaxnagkok, yaqwayam enxoho agkexeykxak makham hótáhap apaktek egagkok? ¿Yaqsa kexaha ekhem kasawhaxchek sábado yaqwayam enxoho agkexeykxak ekmomnáwa agko' ma'a aqsok aktek negkeneykekxa', ólmaha m'a kelyetsátéyak élmenyexmo nak?