Éxodo 30:20 - Biblia Enxet

²⁰ Sa' eyke elyenyesagkok chá'a m'a apkelántaxna enxoho m'a kélpakxanma apchaqneykekxexa nak chá'a énxet'ák, tén han ma'a apkelyepetchegwákxoho enxoho chá'a m'a ekwatnamáxchexa nak aqsok yaqwayam elának apkeltamheykha tén han hesantagkasek ma'a aqsok sélmésso naqsa ekwatnamáxche nak, ko'o sektáha nak Wesse' kélagkok. Tén sa' meletsephe'.

Éxodo 30:20 Referans Kwoze

Salmos 89:7

Yeykpohok chá'a Dios nepyeseksa m'a apkelásenneykha apheykha nak néten, apwányam apagko' nepyeseksa m'a apheykha nak nepyáwa'.

1 Crónicas 13:10

Aptaqnókkek axta eyke Wesse' egegkok ma'a Uzá, ñókxa apmágwa'akto axta yántéseksek, axta apchaqhohok han ma'a, nápaqto' nak.

1 Samuel 6:19

Apkelnapmeyk axta eyke han nápakha énxet'ák Bet-semes ma'a Wesse' egegkok, eñama apkelányo m'a kañe' yántéseksek. Setenta énxet'ák axta apkelnapmak, apkellekxagweykha axta énxet'ák, eñama apkelnapma Wesse' egegkok nepyeseksa m'a énxet'ák.

Éxodo 12:15

Kóltawagkok sa' kelpasmaga meyke kempáseyak ekweykmoho siete ekhem; tásek sa' megkólpekkenek kempáseyak kélxanák se'e émha amonye' ekhem nak. Énxet ektáhakxa enxoho apto kelpasmaga ekyetlómo kempáseyak neyseksa s'e siete ekhem nak, kóltekkesek sa' nepyeseksa m'a énxet'ák Israel.

Éxodo 30:19

Sa' chá'a eyáwak yegmen yaqwayam elyenyeksek apmék tén han apmagkok Aarón yetlo apketchek ma'a.

Éxodo 30:21

Kéméxcheyk chá'a elyenyesagkok apmék tén han apmagkok yaqwayam enxoho meletsephe'. Katnehek sa' xama segánamakxa meyke néxa apagkok ma'a Aarón tén han ma'a aptawán'ák neptámen nak yókxoho apyeyam chá'a.”

Éxodo 40:31

Axta eyáwak chá'a yegmen Moisés tén han Aarón ekweykekxoho apketchek, yaqwayam elyenyesagkok chá'a apmék tén han apmagkok ma'a.

Levítico 8:6

Yetlókok axta Moisés apkeltémo épetchegwomhok Aarón, yetlo apketchek, tén axta apkeltamho eyaqpasagkok yegmen.

Levítico 16:4

Etaxnekxak sa' nahan chá'a aptaxno apwenaqte apkeláxñeyo apteme nak appagkanamap ma'a aptaxnegwákxo enxoho chá'a, yetlo apkelatcháseykekxa apkelatchesso apyay'ák apkelyaqwate apkeláxñeyo nak, tén han yetlo aptétamap, yetlo apketchesso apqátek apáwa apkeláxñeyo. Cháxa apteme apáwa apkelpagkanamap xa, kéméxcheyk eyke chá'a sekxo' eyaqpaksek yegmen amonye' apkelántaxneykekxa'.